Psalmau 75 - William Morgan Bible 1588 original edition

Psalm. lxxv.At y pen-cerdd. Na ddifetha. Psalm neu gân i Asaph.

1 Clodforwn dydi ô Dduw, clodforwn, canys agos dy enw: dy ryfeddôdau a fynêgant

2Pan dderbynnwyf y gynnulleidfa, mî a farnaf yn iniawn.

3Ymddatododd y ddaiar, ai holl drigolion: mi a siccrhêais ei cholofnau.Selah.

4Dywedais wrth y rhai ynfyd, nac ynfŷdwch: ac wrth y rhai annuwiol, na dderchêfwch corn.

5Na dderchêfwch eich corn yn vchel, na ddywedwch yn war-syth.

6Canys nid o’r dwyrain, nac o’r gorllewyn, nac o’r dehau goruchafiaeth,

7O herwydd Duw sydd yn barnu, efe a ostwng y naill, ac a gyfyd y llall.

8O blegit phîol yn llaw’r Arglwydd, a’r gwîn sydd gôch yn llawn cymmysc, ac efe a dywalltodd o hwnnw: etto holl annuwiolion y tîr a wascant, yfant ei waelodion.

9Minne a fynegaf yn dragywydd, a ganaf i Dduw Iacob.

10Torraf hefyd holl gyrn y rhai annuwiol, chyrn y rhai cyfiawn a dderchefir.