1 Mawrygaf di ô Arglwydd, canys derchefaist fi: ac ni lawenhêaist fyng-elynnion o’m plegit.
2Arglwydd fy Nuw, llefais arnat: a thithe a’m hiachêaist.
3Arglwydd derchefaist fy enaid o vffern: cedwaist fi yn fyw, oddi wrth y rhai sy yn descyn i’r pwll.
4Cenwch i’r Arglwydd ei sainct ef: a chlodforwch ger bron coffadwriaeth ei sanctaiddrwydd ef.
5Canys ennyd fechan y bydd yn ei lid, ac yn ei fodlonrwydd bywyd: tros brŷd nawn yr erys ŵylofain, ac erbyn y boreu gorfoledd.
6A mi a ddywedais yn fy llwyddiant, ni’m syflir yn dragywydd.
7O’th daioni Arglwydd y cyfleaist gryfder yn fy mynydd: cuddiaist dy wyneb, a bum helbulus.
8[Yna] arnat ti Arglwydd y llefais: ac a’r Arglwydd yr ymbiliais.
9Pa fudd yn fyng-waed, pan ddescynnwyf i’r ffôs? a glodfora y llwch di? a fynêga efe dy wirionedd?
10Clyw Arglwydd, a thrugarhâ wrthif: Arglwydd bydd gynnorthrwy i mi.
11Troaist fyng-alar yn llawenydd: dattodaist fy sach-wisc a gwregysaist fi â llawenydd.
12Am hynny nhafod a gân i ti, ac ni thau: ô Arglwydd fy Nuw yn dragywyddol i’th glodforaf.
Who We AreWhat We EelieveWhat We Do
2025 by iamachristian.org,Inc All rights reserved.
