1Dymma hefyd y rhai a etifeddodd meibion Israel yng-wlâd Canaan: Num 34.17.y rhai a roddodd Eleazar yr offeiriad, ac Iosuah mab Nun, a phennau cenedl llwythau meibion Israel iddynt hwy iw etifeddu.
2Wrth goel-bren eu hetifeddiaeth hwynt: Num.26.55. & 33.54.fel y gorchymynnase’r Arglwydd drwy law Moses i’r naw llwyth, ac i’r hanner llwyth.
3Canys Moses a roddase etifeddiaeth i ddau lwyth, ac i hanner llwyth o’r tu hwnt i’r Iorddonen: ond i’r Lefiaid ni roddase efe etifeddiaeth yn eu mysc hwynt.
4Canys meibion Ioseph oeddynt ddau lwyth, Manasses, ac Ephraim: am hynny ni roddasant rann o’r tîr i’r Lefiaid, onid dinasoedd i drigo, ai meusydd pentrefol iw hanifeiliaid hwynt, ai gloud.
5 Num.35.2. Fel y gorchymynnase yr Arglwydd i Moses, felly y gwnaeth meibion Israel, pan rannasant y wlâd.
6Yna meibion Iuda a ddaethant at Iosuah yn Gilgal, a Chaleb mab Iephun y Ceneziad a ddywedodd wrtho ef: tydi a wyddost y gair yr hwn a lefarodd yr Arglwydd wrth Moses gŵr Duw o’m plegit i, ac o’th blegit dithe yn Cades Barnea.
7Mab deugain mlwydd oeddwn i pan anfonodd Moses gwâs yr Arglwydd fyfi o Cades Barnea i edrych ansodd y wlad: a dugum air iddo ef trachefn, fel yn fyng-halon.
8Ond fy mrodyr y rhai a aethant i fynu gyd a mi a ddigalonnasant y bobl: etto myfi a gyflawnais ar ôl yr Arglwydd fy Nuw.
9Am hynny y tyngodd Moses y diwrnod hwnnw gan ddywedyd, oni bydd y wlâd yr hon y sathrodd dy droed ynddi yn etifeddiaeth i ti, ac i’th feibion hyd byth, am it gyflawni ar ôl yr Arglwydd dy Dduw.
10Ac yn awr wele’r Arglwydd a’m cadwodd yn fyw fel y llefarodd efe, dymma y bummed flwyddyn a deugain er pan lefarodd yr Arglwydd y gair hwn wrth Moses: tra y rhodiodd Israel yn yr anialwch: ac yn awr wele fi heddyw yn fab pum mlwydd a phedwar vgain.
11Yr ydwyf etto morr gryf heddyw a’r dydd yr anfonodd Moses fi, Eccl.46.9.fel fy nerth i yna, felly fy nerth i yn awr, i ryfela, ac i fyned allan, ac i ddyfod i mewn.
12Yn awr gan hynny dyro i mi y mynydd ymma am yr hwn y llefarodd yr Arglwydd y dwthwn hwnnw: canys ti a glywaist y dwthwn hunnw fod yr Anciaid yno, a dinasoedd mawrion caerog, ond odid yr Arglwydd gyd a mi, fel y gorescynnwyf hwynt megis y llefarodd yr Arglwydd.
13Yna Iosuah ai bendithiodd ef: ac a roddodd Hebron i Galeb fab Iephun yn etifeddiaeth.
14Am hynny 1.Mac.2.56.y mae Hebron yn etifeddiaeth i Galeb fab Iephun y Ceneziad hyd y dydd hwn: o herwydd iddo ef gwplau ar ôl Arglwydd Dduw Israel.
15Ac enw Iosua. 15.13Hebron o’r blaen Caer Arba, yr oedd ddŷn mawr ym mysc yr Anaciaid: yna y wlâd a orphywysodd heb ryfel.
Who We AreWhat We EelieveWhat We Do
2025 by iamachristian.org,Inc All rights reserved.
