Esay 18 - William Morgan Bible 1588 original edition

PEN. XVIII.Dinistr yr Ethiopiaid, a’r cenhedloedd a gynnorthwyent Senacherib, yn erbyn Ierusalem. 7 Galwedigaeth y cenhedloedd.

1Gwae’r tîr cyscodol ei ymylau, yr hwn tu hwnt i afonydd Ethiopia.

2Yr hwn a hebrwng gennadau hyd y môr, ac ar hyd wyneb y dyfroedd mewn llestri brŵyn ewch gennadon cyflym at genhedlaeth wascaredic, ac yspailiedic Deut.28.37.at bobl ofnadwy, er pan ydynt, ac etto: cenhedlaeth wedi ei sathru bob ychydig, ac ychydig yr hon yr yspeiliodd yr afonydd ei thîr.

3Holl drigolion y byd, a phresswyl-wŷr y tîr, cewch weled pan gyfoder bâner y mynyddoedd, a chewch glywed pan vdcenir vdcorn.

4Canys fel hyn y dywedodd yr Arglwydd wrthif, byddaf lonydd, a chaf weled yn fy annedd megis gwrês yn discleirio ar y lyssiau, fel niwl gwlîth yng-wres cynhaiaf.

5Canys o flaen cynhaiaf, pan ddarfyddo y blodeun a bod y grawn-win surion yn addfedu, yna y tyrr efe y brig â chrymmau, ac a tynn efe ymmaith, y tyrr y canghennau.

6Gadewir hwynt yng-hyd i adar y mynyddoedd, ac i anifeiliaid y tîr, ac arno ef y bwrw yr adar yr hâf, a holl anifeiliaid y tîr a aiâfant arno ef.

7Yr amser hwnnw y dygir rhodd i Arglwydd y lluoedd bobl wascaredic, ac yspailiedic, a chan bobl ofnadwy er pan ydynt ac etto: cenedl wedi ei sathru bob ychydig, ac ychydig, yr hon yr yspeiliodd yr afonydd ei thîr, i le enw Duw yr lluoedd, fynydd Sion.