Ieremi 39 - William Morgan Bible 1588 original edition

PEN. XXXIX.1 Nabuchodonosor yn gwarche ar Ierusalem. 4 Y Caldeaid yn dala Sedecia wrth ffoi. 6 Yn lladd ei blant, ac yn tynnu ei lygaid yntef. 11 Rhydd-did Ieremi. 15 Diogelwch Ebedmelech.

1Yn y 2.Bren.25.1. ierem.52.4.nawfed flwyddyn i Sedecia frenin Iuda ar y decfed mîs, y daeth Nabuchodonosor brenin Babilon ai holl lu yn erbyn Ierusalem, ac a warchauasant arni.

2Yn yr vnfed flwyddyn ar ddêc i Sedecia, yn y pedwerydd mîs, ar y nawfed o’r mîs y rhwygwyd y ddinas.

3Yna holl dywysogion brenin Babilon a ddaethant, ac a eisteddasant dann y porth canol, Neregal, Sarezer, Samgarnebo, Sarsechim, Rabsaris, Nergal, Sarezer, Rabmag, a holl dywysogion eraill brenin Babilon.

4Pan welodd Sedecia brenin Iuda ai holl ryfel-wŷr hwynt hwy, 2.Bren.25.4.yna y ffoâsant, ac yr aethant hwy o’r ddinas liw nôs trwy ardd y brenin i’r porth rhwng y ddau fûr: ac efe a aeth allan tua’r anialwch.

5A llu y Caldeaid a erlidiasant ar eu hôl hwynt, ac a ddaliasant Sedecia yn rhossydd Iericho, ac ai cymmerasant ef, ac ai dugasant at Nabuchodonosor frenin Babilon i Riblah yng-wlâd Hemath: lle y rhoddodd efe farn arno.

6Yna brenin Babilon a laddodd feibion Sedecia yn Riblah yn ei olwg ef: brenin Babilon hefyd a laddodd holl bendefigion Iuda.

7Ac efe a dynnodd lygaid Sedecia, ac ai rhwymodd ef â chadwynau iw ddwyn i Babilō.

8A’r Caldeaid a loscasant dŷ yr brenin, a thai y bobl â thân: a hwynt a ddrylliasant furau Ierusalem.

9Yna Nabuzaradan pennaeth y mil-wŷr a gaeth-gludodd i Babilon weddill y bobl y rhai a adawsid yn y ddinas, a’r encil-wŷr y rhai a giliasent atto ef, a gweddill y bobl y rhai a adawsid.

10A Nabuzaradan pennaeth y mil-wŷr a adawodd i’r bobl dlodion (y rhai nid oedd dim ganddynt) yng-wlâd Iuda, ac efe a roddodd iddynt win-llannoedd a meusydd y pryd hynny.

11A Nabuchodonosor brenin Babilon a roddodd orchymyn am Ieremi i Nabuzaradan pennaeth y mil-wŷr, gan ddywedyd:

12Cymmer di ef, a dot dy olwg arno ef, ac na wna iddo ddim niwed: onid megis y dywedo efe wrthit ti, felly gwna di ag ef.

13Felly Nabuzaradan pennaeth y mil-wŷr a anfonodd, Nebusazban hefyd, Rabsaris, a Neregal, Sareser, Rabmag, a holl benaethiaid brenin Babilon

14Ie hwynt a anfonasant, ac a gyrchasant Ieremi o gyntedd y carchar-dŷ, ac ai rhoddasant ef at Gedaliah fab Ahicam fab Saphan iw ddwyn ef adref: felly efe a arhosodd ym mysc y bobl.

15A gair yr Arglwydd a ddaeth at Ieremi, pan oedd efe yn rhwym yng-hyntedd y carchar gan ddywedyd:

16Dos ti, a dywet i Ebedmelech yr Ethiopiad gan ddywedyd: fel hyn y dywed Arglwydd y lluoedd Duw Israel, wele mi a baraf i’m geiriau ddyfod yn erbyn y ddinas hon er niwed, ac nid er llês, a hwynt a gwplheuir o flaen dy wyneb y dwthwn hwnnw.

17Ond myfi a’th waredaf di y dydd hwnnw medd yr Arglwydd: ac ni’th roddir yn llaw y dynnion y rhai yr ydwyt ti yn ofni rhagddynt.

18Canys gan achub mi a’th achubaf, ac ni syrthi drwy’r cleddyf: eithr bydd dy enioes yn sclyfaeth i ti, am it ymddyried ynofi medd yr Arglwydd.