Caniadau Salomon 6 - William Morgan Bible 1588 original edition

PEN. VI.Yr eglwys yn credu yng-Hrist, ac yn ymsicrhau oi drugaredd. 3 A Christ oi drugaredd yn ei gweled hithe trwy rym ei waed ef megis yn riain hawddgar.

1Fy anwylyd aeth i wared iw ardd, i’r pêr aroglaidd welau gerddi, i ymborth yn y gerddi, ac i gasclu lili.

2Myfi eiddo fy anwylyd, a’m anwylyd eiddo finne, ’r hwn a ymbortha ym mysc y lili.

3Teg ti fyng-hyfeilles megis Thyrza, gweddus megis Ierusalem, ofnadwy megis rhai baneroc.

4Troa dy lygaid oddi wrthif, canys hwynt a’m gorchfygasant, dy wallt fel mintai o eifr, y rhai a ymlyfnhauasant yn Gilead.

5Dy ddannedd fel mintai o ddefaid y rhai a ddaethant i fynu o’r olchfa: y rhai ydynt bob vn yn dwyn dau oen, ac heb yn ddi-heppil yn eu mysc.

6Dy arleisiau rhwng dy lywethau fel darn pom-granad.

7Tri vgain hwy y brenhinesau, a’r gordderch-wragedd yn bedwar vgain: a’r llangcesau heb rifedi.

8Un hi fyng-holomen, fy mherffaith vnic ei mam hi, cû hi gan yr hon ai hescorodd: y merched ai gwelsant, ac a ddywedasant, gwyn ei byd: y brenhinesau a’r gordderch wragedd ai canmolasant.

9Pwy hon a welir fel y wawr? yn deg fel y lleuad, yn bûr fel yr haul, yn ofnadwy fel y rhai baneroc?

10Euthum i wared i berllan y cnau, i edrych am ir-goed y dyffryn, i weled a flodeuase y win-wydden a flodeuase y Pom-granadau.

11Heb wybod o honof i’m gosododd fy enaid ar gerbydau fy mhobl foneddigaidd

12Dychwel, dychwel y Sulamithes, dychwel, dychwel ac ni a edrychwn arnat: beth a welwch chwi yn y Sulamithes? megis tyrfa gwersylloedd.