Gweledigaeth Ioan 9 - William Morgan Bible 1588 original edition

PEN. IX.1 Y pummed a’r chweched angel yn cânu eu y hudcyrn y seren yn syrthio o’r nêf. 3 Y locustau yn dyfod allan o’r mwg. 11 Bôd y Gwae cyntaf wedi myned 551 heibio. 14 Darfod gollwng yn rhydd y pedwar angel a oeddynt yn rhwym. 18 A llâdd traian y dynion.

1A’r pummed angel a ganodd vdcorn, ac mi a welais seren yn syrthio o’r nêf i’r ddaiar, ac iddo ef y rhoddwyd agoriad y pwll heb waeod.

2Ac efe a agorodd y pwll heb waelod, a mwg a gyfododd o’r pwll, fel mŵg ffwrn fawr, a’r haul, a’r awyr a dywyllwyd gan fŵg y pwll.

3A locustiaid a ddaethant ar y ddaiar o’r mŵg allan, a rhoddwyd awdurdod iddynt, fel y mae gan scorpionau’r ddaiar awdurdod.

4A dywedwyd wrthynt, na wnaent niwed i wellt y ddaiar, na dim glâs, nac i vn pren, ond yn vnic i’r dynion y rhai oeddynt heb sêl Duw yn eu talcennau.

5A a roed iddynt na laddent. y rhai hynny, ond iddynt eu blino hwynt bummîs, a bôd gofid iddynt fel y gofid a fydde o waith scorpion, pan ddarfydde iddi frathu dŷn.

6Ac yn y dyddiau hynny Esay.2,19.|ISA 2:19. hose.10.8.|HOS 10:8. luc.23.30.|LUK 23:30. 6.16.|LUK 6:16. doethin.16.9.dynion a geisiant farwolaeth, ac ni chaffant, ac a chwennychant feirw, a marwolaeth a gilia oddi wrthynt.

7A llun y locustiaid oedd debyg i feirch wedi eu paratôi i ryfel, ac yr oedd ar eu pennau megis coronau yn debyg i aur, a’u hwynebau oeddynt debyg i ddynion.

8A gwallt oedd ganddynt, fel gwallt gwragedd, a’u dannedd oeddynt fel dannedd llewod.

9Ac yr oedd ganddynt lurigau, fel llurigau haiarn, a llais eu hadenydd oedd debyg i lais cerbydau pan rede llawer o feirch i ryfel.

10A chynffonnau oedd iddynt fel i scorpionau, ac yn eu cynffonnau yr oedd conynau, a’u hawdurdod hwynt oedd i ddrygu dynion bummis.

11Ac y mae ganddynt frenin arnynt yr hwn ydyw angel y pwll heb waelod, a’i henw ef yn Ebriw ydyw Abad-don, ac yn Roeg efe a henwir Apolyon

12Un gwae a aeth heibio, ac wele, y mae dwy-wae yn dyfod wedi hyn.

13A’r chweched angel a ganodd yr vdcorn, ac mi a glywais lais oddi wrth bedair congl yr allor aur, yr hon sydd ger bron Duw,

14Yn dywedyd wrth y chweched angel, yr hwn oedd a’r vdcorn ganddo, gollwng y pedwar angel, y rhai ydynt yn rhwym yn yr âfon Euphrates.

15A’r pedwar angel a ollyngwyd, y rhai a baratoasid erbyn awr, erbyn diwrnod, erbyn mis, ac erbyn blwyddyn, i lâdd traian y dynion.

16A rhif gwŷr meirch y rhyfel, oedd dwy fyrddiwn, canys mi a glywais eu rhîf hwynt.

17Ac fel hyn y gwelais i y meirch mewn gweledigaeth, ac yr ydoedd gan y rhai oeddynt yn eistedd arnynt, lurigau tanllyd, a rhuddion, ac o liw brwmstan, a phennau’r meirch oeddent megis pennau llewod, ac yr oedd yn myned allan o’u genau, dân a mŵg a brwmstan.

18A thraian y dynion a lâs gan y tri hyn, sef gan y tân, a’r mŵg, a’r brwmstan, y rhai a ddaethant allan o’u genau hwynt.

19Canys eu gallu hwynt sydd yn eu genau, ac yn eu cyffonnau, canys eu cynffonnau hwynt oeddent debyg i seirph, a phennau ganddynt, â rhai hyn yr oeddent yn drygu.

20A’r dynion eraill y rhai ni laddwyd gan y plâuau hyn, ni chymmerasant edifeirwch am weidredoedd eu dwylo, i beidio ac addoli cythreuliaid, a delwau aur, ac arian, a phrês, a main, a phrennau, y rhai ni allant weled, na chlywed, na cherdded.

21Ac ni chymmerasant hefyd edifeirwch, am eu llofruddiaeth, na’u cyfareddion, na’u godineb, na’u lledrad,