Esay 54 - William Morgan Bible 1588 original edition

PEN. LIIII.Duw yn addo helaethu ei eglwys, 4 maddeu ei phechodau, 11 A rhoddi iddi hi ogoniant, ac ar ei gelynnion ddinistr.

1Can amhlantadwy heb escor, bloeddia ganu, a gorfoledda, nid escorodd: o herwydd amlach meibion yr anrhaithiedic na’r wriog medd yr Arglwydd.

2Helaetha lê dy babell, ac estynned cortynnau dy bresswylfeudd, nac attal: estyn dy raffau, cadarnhâ dy hoelion.

3Canys ti a amlheuir tu a’r llaw ddehau, a thua’r llaw asswy, a’th hâd a oresgyn y cenhedloedd, a dinasoedd anrhaithiedic a gyfanneddant hwy.

4Nac ofna, canys ni’th gywilyddir, ac ni’th wradwyddir, ac ni’th warthruddir, eithr anghofi wradwydd dy ieuengctid, a gwarthrudd dy weddwdod ni chofi mwyach.

5Canys dy briod hwn a’th wnaeth, Arglwydd y lluoedd ei enw: dy waredudd hefyd Sanct Israel a elwir Duw’r holl ddaiar.

6Canys fel gwraig wrthodedic, a chystuddiedic o yspryd i’th alwodd yr Arglwydd, fel gwraig ieuangc pan oeddit ti wrthodedic medd dy Dduw.

7Tros ennyd fechan i’th adewais; ond â mawr drugaredd i’th gasclaf.

8Mewn ychydig sorriant y cuddiais fy wyneb oddi wrthit ennyd ond â thrugaredd dragywyddol y trugarhais wrthit medd yr Arglwydd dy waredudd.

9Canys dyfroedd Noah hynn i mi, megis y tyngais nad ele dyfroedd Noah mwy dros y ddaiar: felly y tyngais na sorraf wrthit, ac na’th geryddaf.

10Canys y mynyddoedd a giliant, a’r bryniau a siglant: eithr fy nhrugaredd mau fi ni chilia, a chyfammod fy hedd ni syfl medd dy drugarog Arglwydd.

11Y druan helbulus ddigyssur, wele mi a’th furiaf di a Charbunculus, ac a’th sylfaenaf â Saphyr.

12Gosodaf hefyd dy ffenestri o rissial, a’th byrth o feini disclair, a’th holl derfyn â cherric dymunol.

13Dy holl feibion hefyd Ioan.6.50.wedi eu dyscu gan yr Arglwydd, a mawr heddwch dy feibion.

14Mewn cyfiawnder i’th siccrheuir, cilia ym mhell oddi wrth orthrymder canys nid ofni, ac oddi wrth ddychryn, canys ni nessâ attat.

15Wele gan ymgasclu a ymgasclo ni o honofi: pwy bynnac o honot ti a ymgasclo i’th erbyn efe a syrth.

16Wele myfi a greais y gof, yr hwn a chwytha y marwor yn tân, ac a ddefnyddia arf oi waith ei hun: myfi hefyd a greais y dinistrudd i ddestruwio.

17Ni lwydda vn offeryn a lunier i’th erbyn, a thi a orchfygi bob tafod a gyfodo i’th erbyn mewn barn: dymma etifeddiaeth gweision yr Arglwydd, ai cyfiawnder hwynt oddi wrthifi medd yr Arglwydd.