Diharebion 9 - William Morgan Bible 1588 original edition

PEN. IX.Y modd y mae doethineb yn gwahodd atti. 7 A’r gwatwar-wr yn gwrthod addysc. 10 Daioni ofn Duw. 13 A digywilydd-dra gwraig ddrwg.

1Doethineb a adailadodd ei thŷ, ac a naddodd ei saith gôlôfn.

2Hi a laddodd ei hanifeiliaid, hi a gymmyscodd ei gwîn, ac a huliodd ei bwrdd.

3Hi a yrrodd ei llawforynion, ac a alwodd oddi ar fannau vchel y ddinas

4Pwy bynac sydd annichellgar, deued ymma, ac wrth yr annoeth y mae hi yn dywedyd,

5Deuwch, a bwytewch o’m bara, ac o’r gwin a gymmyscais:

6Gwrthodwch ffolineb, a byddwch fyw, a rhodiwch yn ffordd deall.

7Yr hwn a geryddo watwar-wr a gaiff wradwydd, a’r hwn a feio ar y drygionus, a gaiff anaf.

8Na cherydda watwar-wr rhag iddo dy gasau, cerydda y doeth, ac efe a’th gâr di.

9Dyro i’r doeth, ac efe fydd doethach, dysc y cyfiawn, ac efe a chwanega ei ddysceidiaeth.

10Dechreuad doethineb yw ofn yr Arglwydd, a gŵybodaeth sanctaidd yw deall.

11Canys drwofi yr amlheuir dy ddyddiau, ac yr estynnir blynyddoedd dy enioes.

12Os doeth fyddi, doeth fyddi i ti dy hûn, ac os gwatwar-wr fyddi, ty di dy hun ai dygi.

13Gwraig ffôl a fydd siaradus, anghall, ac ni ŵyr ddim:

14Eithr hi a eistedd ar ddrws ei thŷ, ar faingc mewn lleoedd vchel yn y ddinas,

15I alw atti y neb a fyddant yn myned heibio, y neb a rodiant yn iniawn

16Pwy bynac sydd ehud troed ymma, a phwy bynag sydd ddisynnwyr: a hi a ddywed wrtho ef,

17Dyfroedd lledrad ydynt felus, a bara cudd sydd beraidd.

18Ni ŵyr efe mai meirw yw y rhai sydd yno, a bod ei gwahodd-wŷr hi yn nyfnder vffern.