1Pa ham Arglwydd y sefi o bell, yr ymguddi yn yr amseroedd mewn cyfyng-der?
2Yr annuwiol mewn balchder a erlid y tlawd: dalier hwynt yn y dichellion a ddychymygasant.
3Canys yr annuwiol a ffrostiodd wrth ewyllys ei galon: a’r cybydd a ymfendithiodd: diystyru y mae efe yr Arglwydd.
4Yr annuwiol gan ei falchder ni chais nid Duw ei holl feddyliau ef.
5Ei ffyrdd ef ydynt flîn bôb amser, vchel dy farnedigaethau oi olwg ef: efe a chwyth yn erbyn ei holl elynnion.
6Dywedodd yn ei galon ni’m symmudir, o herwydd ni mewn dryg-fyd hyd genhedlaeth, a chenhedlaeth.
7Ei Rhuf.3.14.enau sydd yn llawn melldith, a dichel, a thwyll: tann ei dafod y mae camwedd, ac anwiredd.
8Y mae efe yn eistedd yng-hynllwynfa yr heolydd, mewn cilfacheu y lladd efe y gwirion: ei lygaid a dremmiant ar y tlâwd.
9Efe a gynllwyna mewn dirgelwch megis llew yn ei ffau, bwriadu y bydd i dreisio yr tlawd: treisia efe y tlawd, gan ei dynnu iw rwyd.
10Efe a ymgystuddia, ac a ymostwng: fel y cwympo tyrfa trueniaid ym mysc ei gedyrn ef.
11Dywedodd yn ei galon, anghofiodd Duw: cuddiodd ei wyneb, ni wêl efe byth.
12Cyfot Arglwydd Dduw, dercha dy law: nac anghofia y tlodion.
13Pa ham y cabla’r annuwol Dduw? gan ddywedyd yn ei galon, nad ymofynni.
14Gwelaist canys ti a genfyddi anwiredd, a cham, i roddi a’th ddwylo dy hun: arnat ti y gedu y tlawd ti ydwyt gynnorthwy-wr yr ymddifad.
15Torr fraich yr annuwiol, a’r drygionus: cais ei ddrygioni ef, nis cei.
16Yr Arglwydd Frenin byth, ac yn dragywydd: dinistriwyd y cenhedloedd oi dîr ef.
17Arglwydd clywaist ddymuniad y tlodion, cyweiria di eu calon hwynt, gwrandawed dy glust
18I farnu yr ymddifad a’r tlawd: fel na chwanego dŷn daiarol beri ofn mwyach.
Who We AreWhat We EelieveWhat We Do
2025 by iamachristian.org,Inc All rights reserved.
