1Yna Sisinnes llywydd Coelosyria a Phenice, a Sathrabuzanes ai cyfeilliō a vfyddhausant i orchymynnion Darius frenin,
2Ac a gynnorthwyasant yn ddyfal y gwaith sanctaidd, gan weithio gŷd a’r henuriaid, a llywodraeth-wŷr y cyssegr.
3Ac felly y gwaith sanctaidd a lwyddodd, pan ydoedd Aggeus a Zacharias y prophwydi yn prophwydo.
4Felly hwynt a orphennasant bob peth drwy orchymyn Arglwydd Dduw Israel, ac o gydtundeb Cyrus a Darius, ac Artaxerxes brenhinoedd Persia.
5Fel hyn y gorphennwyd y tŷ sanctaidd ar y trydydd dydd ar hugain o’r mîs Adar yn y chweched flwyddyn i Ddarius frenin y Persiaid.
6A meibion Israel, a’r offeiriaid, a’r Lefiaid, a’r rhann arall a’r a oeddynt o’r gaeth-glud mewn swydd a wnaethant yn ôl yr hyn yn llyfr Moses.
7Ac wrth gyssegru Teml yr Arglwydd hwynt a offrymmasant gant o deirw, deu cant o hyrddod, a phedwar cant o ŵyn.
8[A] deuddec gafr tros bechod holl Israel, yn ôl rhifedi pennaechiaid llwythau Israel.
9Ar offeiriaid, a’r Lefiaid a safasant yn ôl eu llwythau (wedi ymwisco mewn gwiscoedd lleision) yng-waith Arglwydd Dduw Israel yn ôl llyfr Moses, a’r porthorion hefyd wrth bob porth.
10A meibiō Israel gyd a’r rhai a ddaethent allan o’r caethiwed a gynhaliasant y Pasc ar y pedwerydd ar ddec o’r mîs cyntaf, wedi sancteiddio yr offeiriaid, a’r Lefiaid.
11Ond ni sancteiddiasid holl feibion y gaethiwed yng-hyd, eithr y Lefiaid a gyd-sancteiddiasid oll.
12Felly hwynt a offrymmasant yr Pasc tros holl feibion y gaeth-glud, a thros eu brodyr yr offeiriaid, a throstynt hwy eu hunain.
13Yna holl feibion Israel y rhai a ddaethent o’r caethiwed a fwytawsant, y rhai oll a’r a ymnailltuasent oddi wrth ffieidd-dra pobl y wlad honno, ac a geisiasant yr Arglwydd.
14A hwynt a gadwasant ŵyl y bara croiw saith niwrnod gan lawenychu ger bron yr Arglwydd.
15O herwydd iddo ef droi cyngor brenin yr Assyriaid tu ag attynt hwy i nerthu eu dwylo hwynt at waith Arglwydd Dduw Israel.
Who We AreWhat We EelieveWhat We Do
2025 by iamachristian.org,Inc All rights reserved.
