1Gwr a gerydder yn fynych ac a galeda ei warr, a ddryllir yn ddisymmwth fel na byddo meddiginiaeth.
2Pan amlhaer y cyfiawn y bobl a lawenychant: ond pan fyddo’r annuwiol yn llywodraethu y bobl a ocheneidiant.
3 Luc.15.13. Gŵr a garo ddoethineb a lawenycha ei dad: ond y neb a fyddo gyfaill i butteiniaid a ŷssa ei dda.
4Brenin drwy farn a gadarnhâ ei deyrnas, ond y neb a garo anrhegion, ai dinistria hi.
5Y gŵr a ddywedo weniaith wrth ei gymmydog sydd yn gosod magl iw draed ef.
6Croglath ddrwg fydd i’r neb a becho: ond y cyfiawn a gân, ac a fydd lawen.
7Y cyfiawn a wrendu ar fatter y tlodion, ond yr annuwiol nid ystyria am ŵybod.
8Dynnion gwatwarus a ddifethant ddinas, ond y doethion a droant ymmaith ddigofaint.
9Gŵr doeth a ymrysono â dŷn ffôl pa vn bynnac a wnel efe ai digio, ai chwerthin, etto ni bydd llonyddwch.
10Gwŷr gwaedlyd a gasânt yr iniawn ond iniawn a ymgais ag ef.
11Y ffôl a dywallt ei hôll feddwl: ond gŵr doeth ai hattall hyd yn ôl llaw.
12Pan fyddo’r llywydd yn gwrando ar ffalsedd, ei hôll weision fyddant annuwiol.
13Tlawd a’r cyfoethog a gŷdgyfarfyddant, a’r Arglwydd a lewyrcha eu llygaid hwy ill dau.
14Y brenin a farno’r tlodion yn ffyddlon ei orsedd a beru byth.
15Y wialen a cherydd a rydd ddoethineb: ond mab a gaffo ei rwysc ei hun a gywilyddia ei fam.
16Pan amlhao’r rhai annuwiol yr amlhâ pechod: ond y rhai cyfiawn a welant eu cwymp hwynt.
17Dysc dy fab ac ti a gei lonyddwch: ac efe a bar hyfrydwch i’th enaid.
18Lle ni byddo gweledigaeth methu a wna’r bobl: ond y neb a gadwo’r gyfraith gwyn ei fŷd ef.
19Ni chymmer gwâs addysc ar eiriau: canys er ei fod yn deall etto nid ettyb.
20A weli di ddŷn pryssur yn ei eiriau: gwell yw’r gobaith am y ffôl nag am dano ef.
21Y neb a ddygo ei wâs i fynu yn foethus oi febŷd, o’r diwedd efe a fydd mab
22Gŵr digllon a enynna gynnen, a’r digllon sydd aml ei gamwedd.
23Balchder dŷn ai bwrw i lawr, ond gostyngedig yspryd a gynnal anrhydedd.
24Y neb a gyfranno â lleidr a gasâ ei enaid ei hun: a’r neb hefŷd a wrandawo ar beth melldigedig heb ei gyhuddo.
25Yr hwn sydd yn ofni dŷn sydd yn gosod magl yn ei erbyn ei hun: ond y neb a ymddyriedo yn yr Arglwydd a dderchefir yn ddiogel.
26Llawer a ymgeisiant ag wyneb y llywydd: ond yr Arglwydd pie barnu pob dŷn.
27Ffiaidd gan y cyfiawn ŵr anwir: a ffiaidd gan yr annuwiol ŵr iniawn ei ffordd.
Who We AreWhat We EelieveWhat We Do
2025 by iamachristian.org,Inc All rights reserved.
