Ezeciel 12 - William Morgan Bible 1588 original edition

PEN. XII.Y prophwyd ar ddammeg yn dangos y caeth-gludid Sedecia ai bobl i Babilon, 18 Ac ar ddammeg arall yn bygwth newyn a phrinder mawr.

1A Gair yr Arglwydd a ddaeth attaf, gan ddywedyd:

2Trigo’r ydwyt ti fab dyn, yng-hanol tŷ anufyddgar, y rhai llygaid iddynt i weled, ac ni welant, a chlustiau iddynt i glywed, ac ni chlywant: canys tŷ anufyddgar ydynt hwy.

3A thithe fab dŷn gwna it offer caethfud, a muda liw dydd o flaen eu llygaid hwynt, îe muda o’th le dy hun i le arall, yng-ŵydd eu llygaid hwynt: ond odid gwelant mai tŷ anufyddgar hwy.

4A dŵg allan dy ddodrefn liw dydd yng-ŵydd eu llygaid fel dodrefn caethfud: dos dithe allan yn yr hŵyr yng-ŵydd eu llygaid, fel rhai yn myned allan i gaeth-glud.

5Cloddia o flaen eu llygaid hwynt i ti mewn mûr, a dŵg allan trwy hwnnw:

6Llwytha ar dy yscwydd yng-ŵydd eu llygaid hwynt, mewn tywyllni y dygi allan, dy wyneb a guddi fel na welech y ddaiar: canys yn arwydd i’th roddais i dŷ Israel.

7Ac mi a wnaethum felly fel i’m gorchymynnwyd, dygais fy offer, allan liw dydd fel offer caeth-fud: ac yn yr hŵyr y cloddiais i’m mewn mûr a’m llaw: mewn tywyllwch y dygais allan, ar fy yscwydd y llwythais a flaen eu llygaid hwynt.

8A’r boreu y daeth gair yr Arglwydd attaf, gan ddywedyd:

9Ha fab dŷn oni ddywedodd tŷ Israel (sef y tŷ annufyddgar) wrthit, beth yr wyt ti yn ei wneuthur?

10Dywet wrthynt, 2.Bren.25.fel hyn y dywed yr Arglwydd Dduw: y tywysog yn Ierusalem y baich hwn, a holl dŷ Israel y rhai y maent hwy yn eu mysc.

11Dywet eich arwydd chwi ydwyfi, fel y gwnaethum i felly y gwneir i chwitheu: mewn caeth-glud yr ewch, mewn caethiwed.

12A’r tywysog yr hwn yn eu canol a lwytha ar ei yscwydd, mewn tywyllwch yr aiff allan: cloddiant trwy’r mûr fel yr elont allan trwyddo, ei wyneb a guddia efe fel na welo efe y ddaiar ai lygaid.

13Canys tanaf fy rhwyd Ezec.17.20. ezec.32.3.arno ef, fel y dalier ef yn fy rhwyd, a dygaf ef i Babilon tir y Caldeaid, ac ni wêl efe hi, etto yno y bydd efe marw.

14A gwascaraf ei holl nerth ef sef y rhai a oi amgylch, ai holl lu gyd â phob gwynt, a thynnaf gleddyf ar eu hôl hwynt.

15Felly y cânt ŵybod mai myfi ydwyf yr Arglwydd, wedi gwascaru o honof hwynt ym mysc y cenhedloedd, ai tânu hwynt ar hyd y tiroedd.

16Etto gweddillaf o honynt Ezec.11.15.ychydig ddynion oddi wrth y cleddyf, oddi wrth newyn, ac oddi wrth haint: fel y mynegant eu holl ffieidd-dra ym mysc y cenhedloedd lle y delant: a gŵybyddant mai myfi ydwyf yr Arglwydd.

17Gair yr Arglwydd hefyd a ddaeth attaf gan ddywedyd:

18Ha fâb dŷn bwyttei dy fara mewn cynnwrf, a’th ddwfr a yfi mewn dychryn, a gofal:

19A dywet wrth bobl y tîr, fel hyn a dywed Arglwydd Dduw am drigolion Ierusalem, am wlâd Israel: eu bara a fwytânt mewn gofal, ai dwfr a yfant mewn anrhaith, fel yr anrheithir ei thîr oi chyflawnder am drais y rhai oll a drigant ynddi.

20A’r dinasoedd cyfanneddol a anghyfanneddir, a’r tîr a fydd anrhaithiedic, felly y gŵybyddwch mai myfi yr Arglwydd.

21A daeth gair yr Arglwydd attaf, gan ddywedyd:

22Ha fab dŷn beth y ddihareb hon a genwch am dîr Israel gan ddywedyd, y dyddiau a estynnasant, a darfu am bob gweledigaeth?

23Am hynny dywet ti wrthynt, fel hyn y dywed yr Arglwydd Dduw, gwnaf i’r ddihareb hon beidio, fel nad arferant hi mwy yn Israel: ond yn hytrarch dywet wrthynt, y dyddiau a sylwedd pob gweledigaeth a nesauasant.

24Canys ni bydd mwy vn weledigaeth ofer, na dewiniaeth weniaithus o fewn tŷ Israel.

25Canys myfi’r Arglwydd a lefaraf y peth a lefarwyf, ac ef a wneir, nid oedir efe mwy: o herwydd yn eich dyddiau chwi ô dŷ annufuddgar y llefaraf air, ac efe a wneir, medd yr Arglwydd Dduw.

26A gair yr Arglwydd a ddaeth attaf gan ddywedyd:

27Ha fab dŷn wele dŷ Israel yn, dywedyd, y weledigaeth yr hon a welodd efe wedi dyddiau lawer: a phrophwydo y mae efe am amseroedd pell.

28Am hynny dywet wrthynt, fel hyn y dywedodd yr Arglwydd Dduw, nid oedir dim o’m geiriau mwy, canys y gair yr hwn a ddywedais a gwpleir, medd yr Arglwydd Dduw.