Ieremi 18 - William Morgan Bible 1588 original edition

PEN. XVIII.Y mae efe yn dangos fod dyn yn llaw Dduw fel y pridd yn llaw y crochenydd. 18 Y bobl yn codi yn erbyn Ieremi. 19 Ei weddi ef yn eu herbyn hwynt: nid er llîd wrthynt, onid drwy brophwydo dialedd iddynt.

1Y gair yr hwn a ddaeth at Ieremi oddi wrth yr Arglwydd gan ddywedyd.

2Cyfot, a dos i wared i dŷ y crochenydd, ac yno y paraf i ti glywed fyng-eiriau.

3Yna mi a euthym i wared i dŷ y crochenydd, ac wele ef yn gwneuthur ei waith ar droellau.

4A’r llestr a ddrylliodd yn llaw y crochenydd yr hwn yr oedd efe yn ei wneuthur Isa.45.9.|ISA 45:9. Doeth.15.7.o glai: yna y trôdd efe, ac y gwnaeth lestr arall fel y gwelodd y crochenydd yn dda wneuthur.

5Yna y daeth gair yr Arglwydd attaf gan ddywedyd,

6Oni allafi fel y crochenydd hwn wneuthur i chwi tŷ Israel medd yr Arglwydd? wele megis ac y pridd yn llaw y crochenydd, felly chwithau yn fy llaw i tŷ Israel.

7[Os] dywedaf yn ddisymmwth am ddiwreiddio, a thynnu i lawr, a difetha cenhedlaeth neu frenhiniaeth,

8A’r genhedlaeth honno yn troi oddi wrth ei drwg (yr hwn a ddywedais yn ei erbyn: ) yna yr edifarhaf am y drwg yr hwn a amcenais ei wneuthur iddi.

9[Os] yn ddisymmwth y dywedaf am adailadu, ac am blannu cenhedlaeth neu frenhiniaeth,

10Os hi yn gwneuthur drygioni yn fyng-olwg heb wrando ar fy llais, minnef a edifarhaf am y daioni yr hwn a amcenais ei wneuthur er llês iddi.

11Dywet bellach, wrth bob vn o Iuda, ac wrth bresswyl-wŷr Ierusalem, gan ddywedyd, fel hyn y dywedodd yr Arglwydd: wele fi yn llunio drwg i’ch erbyn, ac yn dychymygu dychymyg i’ch erbyn: dychwelwch yr awr hon, bob vn oi lwybrau drwg, a gwellhewch eich ffyrdd, a’ch gweithredoedd.

12Hwythau a ddywedasant, nid oes obaith o herwydd ar ôl ein dychymygion ein hunain yr awn, a gwnawn bob vn amcan ei ddrwg calon ei hunan.

13Am hynny fel hyn y dywet yr Arglwydd, gofynnwch atolwg ym mysc y cenhedloedd pwy a glywodd fel y rhai hynn? gwnaeth y forwyn Israel frynti mawr.

14A wrthodir eira Libanus yr hwn o graig y maes? neu a wrthodir y difroedd oerion y rhai fyddo yn rhedeg o leoedd oerion erail?

15O herwydd i’m pobl fy anghofio i, arogl-darthu i wagedd, ac wneuthur iddynt dramgwyddo yn eu ffyrdd, o lwybrau tragywyddoldeb Ier.6.16.i gerdded llwybrau ffordd ddisathr,

16I osod eu tir yn anghyfannedd, ac yn ffiaidd byth: pawb a elo heibio iddo a ryfeddant, ac a escydwant eu pennau,

17A gwynt y dwyrain y chwalaf hwynt o flaen y gelyn: fyng-wegil, ac nid wyneb a ddangosaf iddynt yn amser eu methiant.

18Yna y dywedasant, deuwch a dychymygwn ddychymygion yn erbyn Ieremi, canys ni fetha y gyfraith gan yr offeiriad, na chyngor gan y doeth, na’r gair gan y prophwyd: deuwch, tarawn ef a’r tafod, ac nac ystyriwn ar ei holl eiriau.

19Ystyria di wrthif ô Arglwydd, a chlyw lais y rhai sydd yn ymryson â mi.

20A dêlir drwg dros dda? canys cloddiasant ffôs i’m henaid: cofia i mi sefyll ger dy fron di i ddywedyd daioni am danynt, i dychwelyd dy ddîg oddi wrthynt.

21Am hynny gad ti iw meibion feirw o newyn, a gwna iddynt syrthio ar fîn y cleddyf: a bydded eu gwragedd heb eu plant, ac yn weddwon: lladder hefyd eu gwŷr yn feirw, a tharawer eu gwŷr ieuaingc a’r cleddyf yn y rhyfel.

22Clywer eu gwaedd oi tai pan ddygech y fyddin arnynt yn ddisymmwth: canys cloddiasant ffôs i’m dal: a chuddiasant faglau i’m traed.

23A thi ô Arglwydd a wyddost eu holl gyngor hwynt am fy llâdd i: na faddeu di eu hanwiredd, ac na ddelea eu pechodau o’th ŵydd eithr byddant dramgwyddedic ger dy fron: gwna di iddynt yn amser dy ddigofaint.