Ieremi 23 - William Morgan Bible 1588 original edition

PEN. XXIII.Bygwth yn erbyn y bugeiliaid y rhai ydynt yn ysceuluso y praidd: 5 Dyfodiad y bugail Crist. 9 Beiau y gau brophwydi.

1Gwae Ezec.34.2.y bugeiliaid y rhai ydynt yn difetha, ac yn gwascaru defaid fy mhorfa, medd yr Arglwydd.

2Am hynny fel hyn y dywed Arglwydd Dduw Israel, am y bugeiliaid y rhai ydynt yn bugeilio fy mhobl: chwi a wascarasoch fy nefaid, ac ai hymlidiasoch, ac nid ymwelsoch â hwynt: wele fi yn ymweled â chwi, am ddrygioni eich gweithredoedd medd yr Arglwydd.

3Ac mi a gasclaf weddill fy nefaid o’r holl diroedd lle y gyrrais hwynt, ac mi ai dychwelaf hwynt drachefn iw corlannau: yna yr amlhânt, ac y chwanegant.

4Gosodaf hefyd arnynt fugeiliaid y rhai ai bugeilia hwynt, fel nad ofnant, ac na ddychrynnant, ac na byddant yn eisieu, medd yr Arglwydd.

5Wele y dyddiau yn dyfod medd yr Arglwydd fel y cyfodwyf i Ddafydd Esa.11.1. Esa.45.8.flagurun cyfiawn yr hwn a deyrnasa yn Frenin, ac a lwydda, ac a wna farn, a chyfiawnder yn y tîr.

6Yn ei ddyddiau ef yr achubir Iuda, ac Deut.33.28. Ier.33.16.Israel a bresswylia yn ddiogel: a hyn fydd ei enw yr hwn y gelwir ef, Yr Arglwydd ein cyfiawnder.

7Am hynny wele y dyddiau yn dyfod medd yr Arglwydd pryd na ddywedant mwyach, byw yw’r Arglwydd yr hwn a ddug feibion Israel i fynu o wlad yr Aipht:

8Eithr byw yw’r Arglwydd yr hwn a ddug i fynu, ac a dywysodd hâd tŷ Israel o dir y gogledd, ac o bob gwlad lle y bwriaswn i hwynt: a hwy a gânt aros yn eu gwlad eu hun.

9O herwydd y gau-brophwydi y drylliodd fyng-halon ynof, a’m holl escyrn a grynasant: yr ydwyf fel vn meddw, ac fel vn wedi i win ei orchfygu: rhac ofn yr Arglwydd, ac rhac ofn ei eiriau sanctaidd ef.

10Canys llawn yw yr ddaiar o odinebwŷr, o herwydd llwon y gofidiodd y ddaiar, ac y gwywodd ttrigleoedd yr anialwch, ie eu helynt sydd ddrwg, ai cadernid nid iniawn.

11Canys y prophwyd a’r offeiriad hefyd a ragrithiasant, yn fy nhŷ fy hun hefyd y cefais eu drygioni hwynt, medd yr Arglwydd.

12Am hynny y bydd eu ffordd yn llithric iddynt, mewn tywyllwch y bwrir hwynt ymmaith, a syrthiant ynddi: canys myfi a ddygaf arnynt ddrygfyd blwyddyn eu gofwy medd yr Arglwydd,

13Ar brophwydi Samaria y gwelais hefyd ddiflaster: prophwydasant yn enw Baal, a hudasant fy mhobl Israel.

14Ac ar brophwydi Ierusalem y gwelais frynti mawr, sef torri priodas, a rhodio mewn celwydd, cynnorthwyasant hefyd ddwylo y drygionus fel na ddychwele neb oddi wrth ei ddrygioni: pob vn ohonynt sydd i mi fel Sodoma ai thrigolion, fel Gomorra.

15Am hynny fel hyn y dywed Arglwydd y lluoedd am y prophwydi hyn: wele mi ai bwydaf hwynt a’r wermod, Iere.8.14.ac ai diodaf hwynt â dwfr bustl: canys oddi wrth brophwydi Ierusalem yr aeth lledrith allan i’r holl dîr.

16Fel hyn y dywed Arglwydd y lluoedd, na wrandewch ar eiriau y prophwydi sy yn prophwydo i chwi, dyscu y maent i chwi: gweledigaethau eu calon eu hunain a lefarant, nid o enau yr Arglwydd.

17Gan ddywedyd y dywedant wrth fy nirmygwŷr, yr Arglwydd a ddywedodd y bydde i chwi heddwch, ac bob vn sydd yn rhodio wrth amcan ei galon ei hun y dywedasant, ni ddaw arnoch niwed.

18Canys pwy a safodd yng-hyfrinach yr Arglwydd? ac a welodd, ac a glywodd ei air ef? pwy hefyd a styriodd, ac a wrandawodd ei air ef.

19Wele rhyferthwy yr Arglwydd llidiawgrwydd, sef corwynt angerddol a syrth ar benn y drygionus.

20Digofaint yr Arglwydd ni ddychwel nes iddo wneuthur, a siccrhau meddwl ei galon: Ier.14.13. Ier.27.15. Ier.29.8.yn y dyddiau diwethaf y deallhwch hynny yn eglur.

21Ni hebryngais i y prophwydi etto hwynt a redasant: ni leferais wrthynt, er hynny hwynt a brophwydasant.

22Pe safasent yn fyng-hyfrinach, yna hwy a ddangosasent fyng-eiriau i’m pobl: yna y gwnaethent hefyd iddynt ddychwelyd oi ffordd ddrwg, ac oddi wrth eu ddychymygion drygionus.

23Ai Duw o agos ydwyfi medd yr Arglwydd, ac nid Duw o bell?

24A lecha vn yn ei loches fel na’s gwelwyfi ef medd yr Arglwydd? onid ydwyfi yn llenwi y nefoedd a’r ddaiar medd yr Arglwydd?

25Mi a glywais beth a ddywedodd y prophwydi y rhai ydynt yn prophwydo celwydd yn fy enw, gan ddywedyd: breuddwydiais, breuddwydiais.

26Pa hyd y bydd yng-halon y prophwydi prophwydo celwydd, a prophwydo dichell eu calon eu hunain?

27Y rhai ydynt yn meddylio peri i’m pobl anghofio fy enw trwy eu breuddwydion, y rhai a fynegant bob vn iw gymydog: megis yr anghofiodd eu tadau fy enw drwy Baal.

28Y prophwyd yr hwn y del breuddwyd iddo, dangosed ei freuddwyd, a’r hwn y dêl fyng-air atto llefared fyng-air gwirionedd: Ezec.3.17.|EZK 3:17. 1.Cor.2.17.(sic.)|1CO 2:16. 1.Pet.4.11.beth yr col gyd a’r gwenith? medd yr Arglwydd.

29Ond yw fyng-air i megis tân medd yr Arglwydd, ac fel gordd yn dryllio y graig?

30Am hynny wele mi a yn erbyn y prophwydi (medd yr Arglwydd) y rhai ydynt yn lledrata fyng-eiriau bob vn oddi ar ei gymydog.

31Wele fi yn erbyn y prophwydi (medd yr Arglwydd) y rhai a weniaithant, ac a ddywedant ai dywedodd.

32Wele fi yn erbyn y rhai a brophwydant freuddwydion celwyddoc medd yr Arglwydd, ac ai mynegant, ac a hudant fy mhobl trwy eu celwydd, ai gwagedd, a mi heb eu gyrru hwynt, ac heb orchymyn iddynt: am hynny ni wnant ddim lles i’r bobl hyn medd yr Arglwydd.

33A phan ofynno y bobl hynn, neu y prophwyd neu yr offeiriad i ti gan ddywedyd: beth baich yr Arglwydd? ti a ddywedi iddynt beth yr baich, mai eich gwrthod a wnaf medd yr Arglwydd.

34A’r prophwyd a’r offeiriad, a’r bobl y rhai a ddywedo, baich yr Arglwydd: myfi a ymwelaf a’r gŵr hwnnw, ac ai dŷ.

35Fel hyn y dywedwch bob vn wrth ei gilydd, a phob vn wrth ei frawd, beth a atebodd yr Arglwydd, neu beth a lefarodd yr Arglwydd?

36Ond am faich yr Arglwydd na wnewch choffewch mwyach, canys baich i bawb fydd ei air ei hun: o herwydd chwychwi a ŵyrasoch eiriau y Duw byw, Arglwydd y lluoedd ein Duw ni.

37Fel hyn y dywedi wrth y prophwyd: pa ateb a roddodd yr Arglwydd i ti? a pha beth a lefarodd yr Arglwydd?

38Ac os dywedwch chwi, baich yr Arglwydd, yna fel hynn y dywed yr Arglwydd: am i chwi ddywedyd y gair hwn, baich yr Arglwydd a mi wedi anfon attoch gan ddywedyd, nac yng-enwch am faich yr Arglwydd,

39Am hynny wele myfi a’ch codaf chwi yn faich, ac a’ch taflaf chwi, a’r ddinas yr hon a roddais i chwi, ac i’ch tadau o’m golwg.

40 Ierem.20.11. Ac mi a roddaf arnoch warthrudd tragywyddol, a gwradwydd tragywydd, yr hwn nid anghofir.