1Y neb a garo addysc a gâr ŵybodaeth: ond y neb a gasâo gerydd anifeilaidd yw.
2Gŵr dâ sydd gymmeradwy gan yr Arglwydd: ond y gŵr sceler a ddamna efe.
3Ni chadarnheir dŷn drwy ddrygioni: ond gwraidd y cyfiawn ni yscôga.
4Gwraig rymmus sydd goron i’w gŵr: ond y wradwyddus sydd lwgr yn ei escyrn ef.
5Meddyliau y cyfiawn sydd gyfiawn: a dichellion y drygionus sydd dwyllodrus.
6Geiriau y drygionus sy yn cynllwyn am waed: ond genau’r iniawn ai gwared hwynt.
7Duw a ddifetha y drygionus, fel na byddant hwy: ond teulu y cyfiawn a saif.
8Yn ôl ei ddeall y canmolir gŵr: ond gŵr traws ei galon a ddiystyrir.
9Gwell yw’r hwn ai cydnebyddo ei hun yn wael, ac sydd wâs iddo ei hun: na’r ffrostiwr yr hwn sydd arno eisieu bara.
10Y cyfiawn a fydd ofalus am ei anifail: ond tosturiaeth y drygionus sydd greulon.
11Y neb a lafurio ei dîr a ddigonir o fara: ond y neb a ganlyn ofer-wŷr anghall yw.
12Y drygionus sydd yn deisyf rhwyd drygioni: ond gwreiddin y cyfiawn a rydd
13Drwy ddrigioni ei wefusau y meglir y drygionus: ond y cyfiawn a ddiangc allan o gyfyngder.
14Trwy ffrwyth ei enau y digonir gŵr â daioni: a dŷn a dderbyn daledigaeth yn ôl ei weithredoedd.
15Ffordd yr ynfyd sydd iniawn yn ei olwg ei hun: ond y neb a wrādawo ar gyngor sydd gall.
16Mewn vn-dydd y dengys ynfyd ei ddigter: ond y call a guddia gywilydd.
17Y neb a ddywedo’r gwir a ddengys gyfiawnder: ond gau dyst dwyll.
18 Pen.14.5. Rhyw ddyn a ddywed eiriau fel brath cleddyf: ond tafod doethion sydd feddyginiaeth.
19Gwefus gwirionedd a saif byth: ond tafod celwyddog ni saif funyd awr.
20Dichell sydd yng-halon y rhai a ddychymmygant ddrwg: ond i gynghor-wyr heddwch y bydd llawenydd.
21Ni fwrir y cyfiawn i ddim blinder: ond y drygionus a lenwir â drwg.
22Ffiaidd gan yr Arglwydd wefusau twyllodrus: ond y rhai a wnant yn ffyddlon a ryngant fodd iddo ef.
23Gŵr pwyllog a gudd ŵybodaeth: ond calon ffyliaid a gyhoedda ffolineb.
24 Pen.10.4. Llaw’r diysceulus a deyrnasa: a llaw’r twyllodrus a dâl deyrn-ged.
25Gofid yng-halon gŵr a bar iddi grymmu: ond gair dâ ai llawenhâ.
26Y cyfiawn a ragora ar ei gymmydog: ond ffordd y rhai drygionus ai twylla hwynt.
27Ni rostia y twyllodrus mo’r peth a heliodd: ond y dyn diysceulus a fwynhâ gyfoeth gwerthfawr.
28Yn ffordd cyfiawnder y mae bywyd: ac yn ei llwybrau hi nid oes marwolaeth.
Who We AreWhat We EelieveWhat We Do
2025 by iamachristian.org,Inc All rights reserved.
