2.Cronicl 5 - William Morgan Bible 1588 original edition

PEN. V.Salomon yn dwyn i’r deml offrymmau Dafydd, ac Arch yr Arglwydd. 11 Ac yn peri i’r holl Lefiaid ganu moliant i Dduw.

1Felly y 1.Bren.7.51. & 8.1.gorphennwyd yr holl waith yr hwn a wnaeth Salomon yn nhŷ yr Arglwydd: a Salomon a ddug yr hyn a gyssegrase Dafydd ei dad, ac a osododd yn nhryssorau tŷ Dduw yr arian, a’r aur, a’r holl lestri.

2Yna y cynhullodd Salomon henuriaid, Israel, a holl bennau y llwythau, pennau cenedl meibion Israel i Ierusalem, i ddwyn i fynu Arch cyfammod yr Arglwydd o ddinas Dafydd, honno Sion.

3Am hynny holl wŷr Israel a ymgynnullasant at y brenin, a’r vchel-wŷl honno y seithfed mîs.

4A holl henuriaid Israel a ddaethant, a’r Lefiaid a ddugasant yr Arch,

5Yna y dugasant i fynu’r Arch, a phabell y cyfarfod, a holl lestri y cyssegr, y rhai yn y babell, yr offeiriaid Lefiadaidd ai dugasant hwynt i fynu.

6Yna y brenin Salomon, a holl gynnulleidfa Israel y rhai a gyfarfuāt ag ef o flaen ’r Arch a aberthasant o ddefaid, a gwartheg fwy nag a ellid eu rhifo nai cyfrif gan luosogrwydd.

7Felly’r offeiriaid a ddugasant Arch cyfāmod yr Arglwydd iw lle, i gafell y tŷ, i’r cyssegr sancteiddiolaf, hyd tann adenydd y Cerubiaid.

8A’r Cerubiaid oeddynt yn lledu eu hadenydd tros lê yr Arch: a’r Cerubiaid a gyscodēt yr Arch, a thros ei throsolion oddi arnynt.

9Pan estynnent y trosolion y gwelyd pēnau y trosolion o’r Arch o flaen y gafell, ac ni welyd hwynt oddi allan: yno hefyd y mae hi hyd y dydd hwn.

10Nid yn yr Arch ond y ddwy lêch, y rhai a roddase Moses yn Horeb, llê y gwnaethe yr Arglwydd gyfammod a meibion Israel pan ddaethent hwy allan o’r Aipht.

11A phan ddaeth yr offeiriaid o’r cyssegr (canys yr holl offeiriaid y rhai a gafwyd, a ymsancteiddiasent heb gadw dosparthiad,

12Felly y Lefiaid y rhai oeddynt gantoriō o honynt hwy oll o Asaph, o Heman, o Ieduthun, ac oi meibion hwynt, ac oi brodyr, wedi eu gwisco a lliain main, a Symbalau, ac a nablau, a thelynau, yn sefyll o du dwyrain yr allor, a chyd a hwynt chwech vgain o offeiriaid yn vdcanu mewn vdcyrn.

13Ac hwyntau yn gydtun a vdganent, ac a ganent, gan seinio vn sain i glodfori, ac i foliannu yr Arglwydd: ac wrth dderchafu sain mewn vdcyrn, ac mewn Symbalau, ac mewn offer cerdd, ac wrth foliannu’r Arglwydd mai da yw, ac mai yn dragywydd ei drugaredd ef) yna y llawnwyd y tŷ a niwl tŷ’r Arglwydd.

14Ac ni alle yr offeiriaid sefyll i wasanaethu gan y niwl: o herwydd gogoniant yr Arglwydd a lawnase dŷ Dduw.