1Y dydd hwnnw y cênir y gân hon yn nhîr Iuda, Dinas gadarn i ni, efe a esyd iechydwriaeth yn gaerau ac yn rhacfur.
2Agôrwch y pyrth, fel y delo i mewn genhedlaeth gyfiawn, yr hon a geidw wirionedd.
3A meddwl dianwadal y cedwi dangnheddyf heddychol, am ymddyried ynot.
4Ymddyriedwch yn yr Arglwydd byth: o herwydd yn yr Arglwydd Dduw cadernid dragywydd.
5Canys efe a ostwng bresswyl-wŷr yr vchelder, tref vchel a ostwng efe: efe ai darostwng hi i’r llawr, ac ai bwrw hi i’r llwch.
6Troed ai sathr hi, traed y trueiniaid, a chamrau y tlodion.
7Iniondeb llwybr y cyfiawn, yn iniawn y cyfarwyddi ffordd y cyfiawn.
8[Ar] lwybr dy farnedigaethau hefyd i’th ddisgwiliasom Arglwydd, dymuniad henaid am dy enw, ac am dy goffadwriaeth.
9A’m henaid i’th ddymunais liw nôs, a’m hyspryd hefyd o’m mewn i’th foreu-geisiaf: canys presswyl-wŷr y byd a ddyscâsant gyfiawnder, tra dy farnedigaethau ar y ddaiar.
10[Er] trugarhaû wrth yr anuwiol, ni ddyscodd gyfiawnder, yn nhir iniondeb y gwyra efe, ac ni wêl vchelder yr Arglwydd.
11Ni welant Arglwydd pan dderchafer dy law, cânt weled, a chywylyddiant eiddigedd bobl: a thân dy elynnion ai hyssa hwynt.
12Arglwydd ti a drefni i ni heddwch, canys gwnaethost i ni hefyd ein holl weithredoedd.
13O Arglwydd ein Duw, meistred eraill heb dy law di a’n perchennogasant ni, yn vnic trwot ti y coffawn dy enw.
14Y meirw ni byddant fyw, y meirw ni chyfodant, am hynny gofwyaist, a difethaist hwynt, dinistriaist hefyd bôb coffa am danynt.
15Chwanegaist ar y genedl ô Arglwydd chwanegaist ar y genedl, ti a ymogoneddaist: helaethaist, holl gyrrau y tîr.
16Mewn adfyd Arglwydd yr ymwelsant â thi, tywalltasant weddi, pan dy gospedigaeth arnynt.
17Fel y gofidia, y gwaedda feichiog dan ei gwewyr fyddo agos i escor: felly’r oeddem o’th flaen di Arglwydd.
18Beichiogasom, gofidiasom, fel pe escorem wynt: ni wnaed iechydwriaeth ddaiar, phresswyl-wŷr y byd ni syrthiasant.
19Dy feirw a fyddant byw, fyng-horph i yr adgyfodant, deffroiwch, a chênwch presswylwŷr y llwch: canys dy wlith gwlith llysiau, a’r ddaiar a fwrw y meirw.
20Tyret fy mhobl, dos i’th stafelloedd, a chaea dy ddrws arnat: llecha megis ennyd awr hyd onid elo y llid heibio.
21Canys wele’r Arglwydd yn dyfod allan oi fangre i ofwyo anwiredd presswyl-wŷr y ddaiar yn eu herbyn: Yna y dadcuddia y ddaiar ei gwaed, ac ni chuddia hi mwyach ei lladdedigion.
Who We AreWhat We EelieveWhat We Do
2025 by iamachristian.org,Inc All rights reserved.
