1Y Dydd hwnnw y bydd ffynnon agored i dŷ Ddafydd, ac i breswyl-wŷr Ierusalem i pechod, ac aflendid.
2A bydd y dwthwn hwnnw medd Arglwydd y lluoedd, i’m dorri enwau’r eilynnod allan o’r tir, ac ni’s coffeir mwyach: a gyrraf hefyd brophwydi, ac yspryd aflendid allan o’r wlâd.
3A bydd os prophwyda vn mwyach, y dywed ei dâd ai fam ai cenhedlasant ef wrtho, ni chei fyw, canys dywedaist gelwydd yn enw’r Arglwydd: ai dad ai fam ai cenhedlasant ef, ai Deut.13.6,9.gwanant ef, pan fyddo yn prophwydo.
4A bydd y dydd hwnnw i’r prophwydi gywilyddio bob vn am ei weledigaeth, pan brophwydo, ac ni wiscant grŷs rhawn er twyllo:
5Ond efe a ddywed, nid prophwyd fi, llafur-wr y ddaiar ydwyfi: canys dŷn a’m dyscodd o’m ieuengtid.
6Os dywed wrtho, beth y gweliau hyn rhwng dy ddwylo? yna efe a ddywed, drwy y rhai i’m clwyfwyd yn nhŷ fyng-haredigion.
7Deffro gleddyf yn erbyn fy mugail, ac yn erbyn y gŵr sydd gyfaill i mi, medd Arglwydd y lluoedd: taro y bugail, a’r praidd a wascerir, a dychwelaf fy llaw ar y rhai bychain.
8A bydd yn yr holl dir medd yr Arglwydd y diwreiddir, ac y difethir dwy ran ynddo a’r drydedd a adewir ynddo.
9A dygaf y drydedd i’r tân, a phuraf hwynt fel puro arian, a choethaf hwynt fel coethi aur: efe a eilw ar fy enw, a minne ai gwrandawaf: dywedaf, pobl i mi efe, ac yntef a ddywed, yr Arglwydd sydd Dduw i mi.
Who We AreWhat We EelieveWhat We Do
2025 by iamachristian.org,Inc All rights reserved.
