Exodus 27 - William Morgan Bible 1588 original edition

PEN. XXVII.1 Allor y poeth offrwm. 9 Cynteddfa y tabernacl. 20 Goleuni gwastadol yn y babell.

1Gwna hefyd allor o goed Sittim o bump cufydd o hŷd, a phump cufydd o lêd, yn bedair-ongl y bydd yr allor, ai huchter o dri chufydd.

2A gwna ei chyrn ar ei phedair congl, o honi ei hun y bydd ei chyrn; a gwisc hi a phrês.

3Gwna hefyd iddi grochanau i dderbyn ei lludw, ai rhawiau, ai chawgiau, ai chigwennau, ai thusserau: ei holl lestri a wnei o brês.

4A gwna iddi alch o brês, ar waith rhwyd, a gwna ar yr rhwyd bedair modrwy o brês ar ei phedair congl.

5A dod hi dann amgylchiad yr allor oddi tannodd, fel y byddo y rhwyd hyd hanner yr allor.

6A gwna drosolion i’r allor trosolion o goed Sittim, a gwisc hwynt a phrês.

7A dod ei throssolion trwy y modrwyau, a bydded y trossolion ar ddau ystlys yr allor pan ddyger hi.

8Gwna hi ag ystyllod yn gau: fel y dangosodd i ti yn y mynydd, felly y gwnant.

9A gwna gynteddfa y tabernacl ar y tu dehau: troelloc lenni y cynteddfa fyddant sidan gwyn cyfrodedd, o gan cufydd o hŷd yn vn ystlys.

10Ai hugain colofn, ai hugain mortais o brês: pennau y colofnau, ai cylchau o arian.

11Felly o du’r gogledd ar hŷd, lenni troelloc, o gant o hŷd, ai hugain colofn gyd ai hugain mortais o brês: a phennau y colofnau, ai cylchau o arian.

12A llêd y cynteddfa tua’r gorllewin droelloc lenni o ddêc cufydd a deugain: eu colofnau ddêc, ai morteisiau yn ddêc.

13A lled y cynteddfa tua’r dwyrain o godiad haul dêc cufydd, a deugain.

14Y troelloc lenni o’r du bymthec cufydd, eu colofnau yn dair, ai morteisiau yn dair.

15Ac i’r ail tu pymthec troelloc lenn, eu tair colofn ai tair mortais.

16Ac i borth y cynteddfa caead lenn o vgein cufydd o sidan glâs, porphor, ac scarlat, ac o sidan gwyn cyfrodedd o wniad-waith: eu pedair colofn, ai pedair mortais.

17Holl golofnau y cynteddfa o amgylch a gylchir ag arian, ai pennau yn arian, ai morteisiau yn brês.

18Hŷd y cynteddfa cant cufydd, ai lêd dêc a deugain o bob tu: a phump cufydd o vchter o sidan gwyn cyfrodedd, ai morteisiau prês.

19Holl lestri y tabernacl yn eu holl wasanaeth, ai holl hoelion hefyd, a holl hoelion y cynteddfa fyddant o brês.

20A gorchymyn dithe i feibion Israel ddwyn o honynt attat bûr olew’r olewydden coethedic yn oleuni, i beri i’r lusernau ennyn yn oestad.

21Ym mhabell y cyfarfod o’r tu allan i r wahanlenn yr hon o flaen y destiolaeth y trefna Aaron, ai feibion hwnnw o’r hwyr hyd y borau, ger bron yr Arglwydd yn ddeddf dragwyddol trwy eu hoesoedd gan feibion Israel.