Exodus 29 - William Morgan Bible 1588 original edition

PEN. XXIX.Y modd y cyssegryd offeiriaid Lefi. 38 yr aberth gwastadol.

1Dymma hefyd y peth yr hwn a wnei di iddynt hwy wrth eu cyssegru, i offeiriadu i mi: Leuit.9.2.cymmer vn bustach ieuangc, a dau hwrdd perffeith-gwbl.

2A bara croiw, a theisennau croiw wedi eu cymmyscu ag olew, ac afrllad croiw wedi eu hiro ag olew: o beillied gwenith y gwnei hwynt.

3A dod hwynt mewn vn cawell, a dwg yn y cawell hwynt gyda’r bustach a’r ddau hwrdd.

4Dwg hefyd Aaron ai feibion i ddrws pabell y cyfarfod: a golch hwynt a dwfr.

5A chymmer y gwiscoedd a gwisc am Aaron y bais, a mantell yr Ephod, a’r Ephod hefyd, a’r ddwyfronnec: a gwregyssa a gwregys yr Ephod.

6A gosot y meitr ar ei benn ef, a dod y Exod.28.36.goron gyssegredic ar y meitr.

7Yna y cymmeri Exod.30.23.olew’r eneiniad, ac y tywellti ar ei benn ef: ac yr enneini ef.

8A dwg ei feibion ef: a gwisc beisiau am danynt.

9A gwregysa hwynt a gwregysau, Aaron ai feibion, a gwisc hwynt a chappiau fel y byddo yr offeiriadaeth iddynt yn ddeddf dragywyddol: Exod.28.41.felly y cyssegri Aaron ai feibion.

10A phar di ddwyn y bustach ger bronn pabell y cyfarfod: a Lefit.1.4.rhodded Aaron ai feibion eu dwylo ar benn y bustach.

11Yna lladd y bustach ger bron yr Arglwydd: ddrws pabell y cyfarfod.

12A chymmer o waed y bustach, a dod ar gyrn yr allor a’th fŷs: a thywallt yr holl waed wrth droed yr allor.

13 Lef.3.3. Cymmer hefyd yr holl wêr a fydd yn gorchguddio y perfedd, a’r rhwyden ar yr afi, a’r ddwy aren, a’r gwêr yr hwn arnynt: a llosc ar yr allor.

14Ond cîg y bustach ai groen, ai fiswel, a losci mewn tân, o’r tu allan i’r gwersyll: aberth tros bechod yw.

15Cymmer hefyd vn hwrdd: a gosoded Aaron ai feibion eu dwylo ar benn yr hwrdd.

16Wedi y lleddech yr hwrdd: cymmer ei waed ef a thaenella ar yr allor o amgylch.

17A darnia yr hwrdd yn ddarnau: a golch ei berfedd, ai draed, a dod hwynt yng-hyd ai ddarnau, ac ai benn.

18Felly y llosci yr hwrdd ar yr allor, poeth offrwm i’r Arglwydd yw: arogl esmwyth aberth tanllyd i’r Arglwydd yw.

19A chymmer yr ail hwrdd: a rhodded Aaron ai feibion eu dwylo ar benn yr hwrdd.

20Yna lladd yr hwrdd, a chymmer oi waed, a dod ar flaen clust ddehau Aaron, ac ar flaen clust ddehau ei feibion, ac ar fawd eu llaw ddehau hwynt, ac ar fawd eu troed dehau hwynt: a thaenella y gwaed ar yr allor o amgylch.

21A chymmer o’r gwaed yr hwn a fyddo ar yr allor, ac olew’r eneiniad, a thaenella ar Aaron, ac ar ei wiscoedd, ar ei feibion hefyd, ac ar wiscoedd ei feibion gyd ag ef: felly sanctaidd fydd efe ai wiscoedd, ei feibion hefyd, a gwiscoedd ei feibion gyd ag ef.

22Cymmer hefyd o’r hwrdd Leuit.8.25.y gwêr, a’r gloren, a’r gwêr yr hwn sydd yn gorchguddio y perfedd, a rhwyden yr afi, a’r ddwy aren a’r gwêr yr hwn arnynt, a’r yscwyddoc ddehau: canys hwrdd cyssegriad yw.

23Ac vn dorth o fara, ac vn deisen o fara olewedic, ac vn afrlladen o gawell y bara croiw yr hwn ger bron yr Arglwydd.

24A dod y cwbl ar ddwylo Aaron, ac ar ddwylo ei feibion: a chwhwfana hwynt yn offrwm cwhwfan ger bron yr Arglwydd.

25A chymmer hwynt ganddynt, a llosc ar yr allor yn boeth offrwm: yn arogl esmwyth ger bron yr Arglwydd, aberth tanllyd i’r Arglwydd yw.

26Cymmer hefyd barwyden hwrdd y cyssegriad yr hwn tros Aaron, a chyhwfana ef yn offrwm cwhwfan ger bron yr Arglwydd: ac i ti y bydd yn rhann.

27A sancteiddia barwyden yr offrwm cwhwfan, ac yscwyddoc yr offrwm derchafel, yr hwn a gwhwfanwyd, a’r hwn a dderchafwyd, o hwrdd y cyssegriad, o’r hwn tros Aaron, ac o’r hwn tros ei feibion.

28Ac i Aaron ai feibion y bydd yn ddeddf dragywyddol oddi wrth feibion Israel: canys offrwm derchafel yw, ac offrwm derchafael a fydd oddi wrth feibion Israel, oi haberthau hedd eu hoffrwm derchafel i’r Arglwydd.

29A’r dillad sanctaidd y rhai a i Aaron a fyddant iw feibion ar ei ol ef: iw heneinio ynddynt, ac iw cyssegru.

30Yr hwn oi feibion ef a fyddo offeiriad yn ei le ef, ai gwisc hwynt saith niwrnod: pan ddelo i babell y cyfarfod i weini yn y cyssegr.

31A chymmer hwrdd y cyssegriad, a berw ei gîg yn y lle sanctaidd.

32A bwytaed Aaron ai feibion gîg yr hwrdd, Lefit.8.31.|LEV 8:31. Matt.12.4.a’r bara yr hwn yn y cawell: ddrws pabell y cyfarfod.

33Felly hwynt a fwytânt y pethau hyn y rhai y gwnaed iawn a hwynt wrth eu cyssegru hwynt ai sancteiddio: ond y dieithr ni chaiff eu bwytta, canys cyssegredic ydynt.

34Ac os gweddillir o gig y cyssegriad, neu o’r bara hyd y boreu: yna ti a losci y gweddill a thân, ni cheir ei fwytta o blegit cyssegredic yw.

35A gwna i Aaron, ac iw feibion, yn ôl yr vn modd, yn ol yr hyn oll a orchymynnais it: saith niwrnod y cyssegri hwynt.

36A phob dydd yr aberthi fustach yn aberth tros bechod, er iawn: a glanhâ’r Allor pan wnelech iawn arni, ac eneinia hi iw chyssegru.

37Saith niwrnod y gwnei iawn ar yr allor, ac y sancteiddi hi: felly yr allor fydd sanctaiddbeth cyssegredig, pob peth a gyffyrddo a’r allor a sancteiddir.

38A dymma yr hyn a offrymmi ar yr allor: dau oen flwyddiaid bob dydd yn oestadol.

39Yr oen cyntaf a offrymmi di y borau: a’r ail oen a offrymmi di yn y cyfnos.

40A chyd a’r oen cyntaf decfed rann o beillied wedi ei gymmyscu trwy bedwaredd rann Hinn o olew coethedic, a phedwaredd rann Hinn o wîn yn ddiod offrwm.

41A’r ail oen a offrymmi di yn y cyfnos: ti a wnei iddo yr vn modd, ac i fwyd offrwm, ac i ddiod offrwm y borau, i fod yn arogl esmwyth yn aberth tanllyd i’r Arglwydd:

42Yn boeth offrwm gwastadol drwy eich oesoedd ddrws pabell y cyfarfod ger bronn yr Arglwydd: lle y cyfarfyddaf a chwi i lefaru wrthit yno.

43Ac yn y lle hwnnw y cyfarfyddaf a meibion Israel: ar a sancteiddir drwy fyng-ogoniant mau fi.

44A mi a sancteiddiaf babell y cyfarfod a’r allor: ac Aaron ai feibion a sancteiddiaf i offeiriadu i mi.

45A Lefit.26.12. 2.Cor.6.16.mi a bresswyliaf ym mysc meibion Israel: ac a fyddaf yn Dduw iddynt.

46Yna y caant wybod mai myfi yr Arglwydd eu Duw hwynt, yr hwn ai dygais hwynt allan o dir yr Aipht fel y trigwn yn eu plith hwynt: myfi yr Arglwydd eu Duw hwynt.