Diharebion 27 - William Morgan Bible 1588 original edition

1Nac ymffrostia o’r dydd y foru: canys ni ŵyddost beth a ddigwydda diwrnod.

2Canmoled arall dy di, ac nid dy enau dy hun: estron, ac nid dy wefusau dy hunan.

3 Ecclus.(sic.) Trom yw’r garreg a phwys-fawr yw’r tywod, ond digofaint y ffôl sydd drymmach na hwynt ill-dau.

4Creûlon yw llid, fel llif-ddwfr yw cynddaredd, a phwy a ddichon sefyll o flaen cenfigen?

5Gwell yw cerydd cyhoeddus, na chuddiedig gariad.

6Ffyddlon yw archollion y caredig: ond cusanau y digasog ydynt greulon.

7Y dŷn llawn a fathra’r dil mêl: ond i’r newynog pop peth chwerw sydd fêlus.

8Gŵr yn ymdaith oi lê ei hun sydd debyg i aderyn yn cilio oi nŷth.

9Olew ac arogl-darth a lawenychant y galon, felly mwynder cyfaill yn fwy nai gyngor ei hun.

10Nac ymâdo â’th gydymaith dy hun a chydymaith dy dad: ac na ddôs i dŷ dy frawd yn amser dy orthrymder: canys gwell yw cymmydog yn agos, na brawd ym mhell.

11Bydd ddoeth fy mab a llawenycha fyng-halon, fel y gallwyf atteb i’r neb a’m gwradwyddo.

12Y call a wêl y drwg ac a ymgudd: ond ffyliaid a ânt rhagddynt, ac hwy a gospir.

13 Pen.20.16. Cymmer wisc yr hwn a fachnio dros y dieithr: a’r neb a fachnio dros y ddieithr, cymmer wystl ganddo.

14Y neb a ganmolo ei gydymmaith â llef vchel y boreu pan gyfodo y cyfrifir yn wradwydd iddo.

15 Pen.19.13. Defni parhaus ar ddiwrnod glawog, a gwraig anynad cyffelyb ydynt.

16Y mae yr hwn ai gorchguddio hi yn gorchguddio y gwynt: canys hi a ymddengys megis olew yn ei ddeheu-law ef.

17Un arf a hoga’r llall: ac vn gŵr a fywhâ’r llall.

18Y neb a gadwo ei ffigusbren, a fwytu oi ffrwyth ef, a’r neb a wasanaetho ei feistr a ddaw i anrhydedd.

19Megis dwfr amryw wynebau: felly y mae calonnau amryw ddynnion.

20Ni lenwir vffern na destruw, felly ni lenwir llygaid dŷn.

21Fel y tawddlestr i’r arian, a’r ffwrnes i’r aur: felly y mae genau’r neb ai can-molo i’r neb a gan-moler.

22Er i ti bwnnio ffôl mewn morter â phestl ym mhlith grawn: etto ni ymêdu ei ffolineb ag ef.

23Edrych yn ddyfal ar dy anifeiliaid, gofala am dy braidd.

24Canys cyfoeth ni pheru byth: a choron ni pheru o genhedlaeth i genhedlaeth.

25Pan flaendarddo’r gwair, pan ymddangoso’r glas-wellt: yna y caclir llysieu y mynyddoedd.

26Yr ŵyn a’th ddillâdant, ac o’r geifr y werth tîr.

27Hefyd ti a gei ddigon o laeth geifr yn fwyd i ti, yn fwyd i’th dŷlwyth ac yn ymborth i’th lancesau.