2.Corinthiaid 8 - William Morgan Bible 1588 original edition

PEN. VIII.Y mae efe yn eu hannog hwynt i fod yn hael i’r brodyr tlodion, gan ddwyn iddynt siampl y Macedoniad, 9 A Christ ei hun: 24 Gan ddangos hefyd y galle fod ar y Corinthiaid eu heisieu hwythau.

1Yr ydym hefyd yn yspysu i chwi, (frodyr) y grâs Duw a roddwyd yn eglwysi Macedonia.

2Canys mewn mawr brofedigaeth cystudd yr amlhaodd eu llawenydd hwynt, ai llwyr eithaf dlodi, a amlhaodd iw helaeth gymmwynascarwch hwynt.

3Canys yn eu gallu (yr wyfi yn testiolaethu) ac vwch-law eu gallu, yr oeddent yn ewyllyscar.

4Gan ddeisyfu arnom trwy lawer o ymbil, ar dderbyn o honom ni yr haelioni a’r cyfranniad i wasanaethu ’r seinctiau.

5A nid fel yr oeddem yn gobeithio, ond hwynt hwy ai rhoddasant eu hunain yn gyntaf i’r Arglwydd, ac yna i ninnau, trwy ewyllys Duw:

6Fel y dymunasom ni a’r Titus, (megis y dechreuase efe o’r blaen) felly hefyd orphen yr vn-rhyw haelioni yn eich plith chwi.

7Am hynny fel yr ydych yn amlhau yn mhôb dim, mewn ffydd a gair, a gwybodaeth, ac ym mhôb astudrwydd, ac yn eich cariad tu ag attom ni, amlhau hefyd yn y grâs hyn.

8Nid o rann gorchymyn yr ydwyf yn dywedyd, ond o blegit diwydrwydd rhai eraill, a chan brofi gwirionedd eich cariad chwi.

9Canys chwi a adwaenoch râs ein Harglwydd Iesu Grist, ac efe yn gyfoethog, ei fyned er eich mwyn chwi yn dlawd, fel y cyfoethogid chwi trwy ei dlodi ef.

10Ac yr ydwyf yn rhoddi cyngor yn hyn, canys hyn da fydde hyn i chwi, y rhai a ddechreusoch, nid yn vnic wneuthur, ond hefyd ewyllysio er yr llynedd.

11Ac yn awr gorphennwch wneuthur hynny hefyd, fel, megis yr oedd y parodrwydd i ewyllsio, felly y byddo hefyd i gwblhau o’r hyn sydd gennych.

12Canys os bydd yn gyntaf ewyllyscarwch, cymmeradwy yw, yn ôl yr hyn sydd gan ddŷn ’nid yn ôl yr hyn nid yw ganddo.

13Ac nid i fod esmwythdra i eraill, a chustudd i chwithau.

14Eithr mewn cymhwysdra y mae eich helaethrwydd chwi y pryd hyn, yn eu diffyg hwy, fel y gallo hefyd eu helaethrwydd hwynt ddiwallu eich diffig chwithau, fel y byddo cymhwysdra.

15Megis y mae yn scrifennedic, Exod.16.18.yr hwn a gasclodd lawer, nid oedd ganddo weddill, a’r hwn a gasclodd ychydig, nid oedd arno eisieu.

16Ac i Dduw y byddo’r diolch, yr hwn a roddodd yng-halon Titus yr vn-rhyw ofal trosoch.

17Am iddo gymmeryd y dymuniad, a chan fod yn fwy gofalus, ddyfod attoch chwi oi waith ei hun.

18Ac ni a ddanfonasom hefyd gyd ag ef y brawd, yr hwn y mae ei glôd yn yr Efengyl, trwy’r holl eglwysi.

19(Ac nid yn vnic, eithr hefyd efe a ddewiswyd gan yr eglwysi i gydymdeithio â ni a’r grâs hyn, yr hwn yr ydym ni yn ei wasanaethu, o herwydd gogoniant yr Arglwydd, ac eich ewyllyscarwch chwithau)

20Gan ymochelyd hyn, rhag i nêb feio arnom yn yr helaethrwydd ymma, yr hwn yr ydym ni yn ei wasanaethu.

21 Ruf.12.17. Y rhai ydym yn rhagddarpar pethau onest, nid yn vnig ger bron yr Arglwydd, ond hefyd o flaen dynion.

22Ac ni a anfonasom gyd â hwynt ein brawd, yr hwn a brofasom yn fynych o amser, ei fôd yn ddyfal yn llawer o bethau, ac yn awr yn ddyfalach o lawer, am y mawr ymddiried ynoch.

23Os am Titus, fyng-hyd-ymaith a chydweithydd tu ag attoch chwi; neu ein brodyr, cennadau yr eglwysi a gogoniant Crist.

24Am hynny dangoswch tu ag attynt hwy ger bron yr eglwysi, brofedigaeth o’ch cariad, ac o’n hymffrost ni am danoch chwi.