2.Esdras neu Nehemias 5 - William Morgan Bible 1588 original edition

PEN. V.Cwyn y bobl, a gwaharddiad Nehemias yn erbyn vsuriaeth.

1Ac yr oedd gweiddi mawr y bobl, ai gwragedd yn erbyn yr Iddewon eu brodyr.

2Canys yr oedd rhai yn dywedyd, llawer o honom ni ein meibion, a’n merched i gymmeryd ŷd, fel y bwytaom, ac y byddom byw.

3Yr oedd rhai hefyd yn dywedyd, ein meusydd, ein gwin-llannoedd hefyd a’n tai yr ydym ni yn eu gwystlo: fel y prynom ŷd rhac newyn.

4Ac yr oedd rhai yn dywedyd, benthygiasom arian i treth y brenin: ein meusydd a’n gwîn-llannoedd.

5Ac yn awr ein cnawd ni fel cnawd ein brodyr, ein meibiō ni fel eu meibion hwynt: ac wele ni yn darostwng ein meibion a’n merched yn weision, ac y mae o’n merched ni wedi eu caethiwo, ac heb fodd gennym canys gan eraill ein meusydd, a’n gwin-llannoedd ni.

6Yna y llidiais ynof yn ddirfawr: pan glywais eu gwaedd hwynt, a’r geiriau hyn.

7Fyng-halon hefyd a feddyliodd ynof, a mi a ddwrdiais y pendefigion, a’r swyddogion, ac a ddywedais wrthynt, yr ydych chwi yn cymmeryd occreth bob vn gan ei gilydd: a rhoddais yn eu herbyn hwynt gynnulleidfa fawr.

8Dywedais hefyd wrthynt, nyni a brynasom ein brodyr yr Iddewon y rhai a werthasid i’r cenhedloedd yn ôl ein gallu, ac a ydych chwithau yn gwerthu eich brodyr? neu a werthir hwynt i ni? yna y tawsant, ac ni chawsant air

9A mi a ddywedais nit da’r peth yr hwn yr ydych chwi yn ei wneuthur: oni ddylech chwi rodio mewn ofn ein Duw ni rhac gwradwydd y cenhedloedd ein gelynnion?

10Myfi hefyd brodyr, a’m llangciau ydym yn echwyno iddynt arian, ac ŷd: peidiwn attolwg a’r occreth ymma.

11Rhoddwch attolwg iddynt heddyw eu meusydd, eu gwin-llannoedd, ai oliwydd lannoedd, ai tai trachefn: a chanfed yr arian a’r ŷd, y gwîn, a’r olew, yr hon yr ydych chwi yn ei chymmeryd ganddynt.

12Hwyntau a ddywedasant, nyni ai rhoddwn trachefn, ac ni cheisiwn ddim ganddynt, felly y gwnawn fel yr ydwyt yn llefaru: yna y gelwais yr offeiriaid y tynghedais hwynt i wneuthur yn ôl y gair hwn.

13A mi a escydwais fy mraich, ac a ddywedais, felly’r escydwo Duw bob gŵr yr hwn ni chwplâo y gair hwn oi dŷ, ac oi lafur, ac felly y byddo efe yn escydwedic, ac yn wâg: a’r holl gynnulleidfa a ddywedasant Amen, ac a foliannasant yr Arglwydd, a’r bobl a wnaeth yn ôl y gair hwn.

14Ac o’r dydd yr hwn y gorchymynnase i mi fod yn dywysog iddynt hwy yng-wlâd Iuda o’r vgainfed flwyddyn hyd y ddeuddecfed flwyddyn ar hugain i Artaxerxes y brenin deuddeng mhlynedd, ni fwyteais i na’m brodyr fara y tywysog.

15Canys y tywysogion cyntaf y rhai o’m blaen i a fuasent drymmion ar y bobl, ac a gymmerasent ganddynt am fara a gwîn wedi deugain sicl o arian, eu llangciau hefyd a arglwyddiaethasent ar y bobl: ond ni wneuthum i felly rhag ofn Duw.

16Eithr myfi a gyweiriais yng-waith y mûr hwn, ac ni phrynasom maes: fy holl langciau hefyd a ymgynnullasant yno at y gwaith.

17Ac ar fy mwrdd i o Iddewon, ac o swyddogion ddeng-ŵr a saith vgain, a rhai yn dyfod attom ni o’r cenhedloedd y rhai o’n hamgylch.

18A’r hynn a arlwyid beunydd oedd vn ych, chwech o ddefaid etholedig, ac adar wedi eu paratoi i mi, a phob deng-nhiwrnod y rhoddid gwin i bawb yn ddiandlawd: ac er hyn ni cheisiais fara y tywysog, canys trwm oedd y gwasanaeth hwnnw ar y bobl.

19Cofia fi ô Arglwydd er llês yr hyn oll a’r a wneuthum i’r bobl hyn?