Iosuah 18 - William Morgan Bible 1588 original edition

PEN. XVIII.Gosodiad y tabernacl yn Siloh. 11 Rhan meibion Beniamin.

1Yna holl gynnulleidfa meibion Israel a ymgynnullasant i Siloh, ac a gyfleuasant yno babell y cyfarfod: wedi darostwng y wlâd oi blaen hwynt.

2A saith lwyth oeddynt yn aros ym mysc meibion Israel i’r rhai ni rannasent eu hetifeddiaeth.

3Yna Iosuah a ddywedodd wrth feibion Israel: pa hŷd yr ydych yn esceuluso myned i orescyn y wlâd yr hon a roddodd Arglwydd Dduw eich tadau i chwi?

4Moeswch o honoch dry-wŷr o llwyth: fel yr anfonwyf hwynt, ac y cyfodant, ac y rhodiant y wlad, ac y dosparthant hi yn ôl eu hetifeddiaeth hwynt, ac y delont attaf

5Felly ymrannant ynddi yn saith ran: Iuda a saif ar ei derfyn o du’r dehau, a thŷ Ioseph safant ar eu terfyn o du’r gogledd.

6Pan ddosparthoch chwi y wlad yn saith ran, yna dygwch attafi ymma: fel y bwriwyf goel-bren trosoch ymma o flaen yr Arglwydd ein Duw.

7Canys ni rhan i’r Lefiaid yn eich mysc chwi, o herwydd offeiriadaeth yr Arglwyd ei etifeddiaeth ef: Gad hefyd, a Ruben a hanner llwyth Manasses a gymmerasant eu hetifeddiaeth o’r tu hwynt i’r Iorddonen o du’r dwyrain, yr hon a roddase Moses gwâs yr Arglwydd iddynt.

8Yna’r gwŷr a gyfodasant ac a aethant, ac Iosuah a orchymynnodd i’r rhai oeddynt yn myned i rannu y wlâd gan ddywedyd, ewch a rhodiwch drwy’r wlâd, a dosperthwch hi, a dychwelwch attafi, ac ymma y bwriaf drosoch chwi goel-bren ger bron yr Arglwydd yn Siloh.

9Felly y gwŷr a aethant ymmaith, ac a gerddasant drwy’r wlâd, ac ai scrifennasant hi bob yn ddinas yn saith ran mewn llyfr: yna y daethant at Iosuah i’r gwerssyll Siloh.

10Ac Iosuah a fwriodd goel-bren drostynt hwy ger bron yr Arglwydd yn Siloh: ac Iosuah a rannodd yno y wlâd i feibion Israel yn ôl eu rhannau.

11A choel-bren llwyth meibion Beniamin a ddaeth i fynu yn ôl eu teuluoedd: a therfyn eu hetifeddiaeth hwynt a aeth allan rhwng meibion Iuda, a meibion Ioseph.

12A’r terfyn oedd iddynt hwy tua’r gogledd o’r Iorddonen: y terfyn hefyd oedd yn myned i fynu gan ystlys Iericho o du’r gogled, ac yn dringo drwy’r mynydd tua’r gorllewyn, ai gyrrau eithaf oeddynt yn anialwch Bethafen.

13Y terfyn hwnn hefyd sydd yn myned oddi yno i Luz, gan ystlys Luz tua’r deau, honno Bethel: a’r terfyn hwn sydd yn descyn i Ateroth Adar, tua’r mynydd yr hwn o du’r dwyrain i Beth-horon isaf.

14Felly y terfyn sydd yn tueddu, ac yn amgylchu cilfach y môr tua’r dehau, o’r mynydd yr hwn ar gyfer Beth-horon tua’r dehau, ai gyrrau eithaf ef wrth Ciriath Baal, honno Ciriath Iearim, dinas meibion Iuda: dymma du y gorllewyn.

15A thu y dehau o gwrr Ciriath Iearim: a’r terfyn sydd yn myned tua’r gorllewyn, ac yn cyrhaeddyd hyd ffynnon dyfroedd Nephtoah.

16Y terfyn hwn hefyd sydd yn descyn tua chwrr y mynydd yr hwn ar gyfer glynn mab Hinnom, yr hwn yn nyffryn y cawri tua’r gogledd: ac y mae efe yn descyn’r glynn Hinnom gan ystlys y Iebusiaid tua’r dehau, ac yn dyfod i wared i ffynnon Rogel.

17Ac y mae yn tueddu o’r gogledd, ac yn myned i Ensemes, ac yn cyrhaeddyd hyd Geliloth, yr hon[sydd]gyferbyn a rhiw Adummim: ac yn descyn Iosua 15.6faen Bohan mab Ruben.

18Ac y mae efe yn myned ar hyd yr ystlys ar gyfer y rhôs tua’r gogledd, ac yn descyn i’r rhôs.

19Y terfyn hwn hefyd sydd yn myned rhacddo gan ystlys Beth-hoglah tua’r gogledd, a chwrr eithaf y terfyn oedd wrth lann y môr hêli tua r gogled, hyd gwrr yr Iorddonen tua’r dehau: dymma derfyn y dehau.

20Yr Iorddonen hefyd sydd yn ei derfynu ef o ystlys y dwyrain: dymma etifeddiaeth meibion Beniamin drwy eu terfynau o amgylch yn ôl eu teuluoedd.

21A dinasoedd llwyth meibion Beniamin yn ôl eu teuluoedd oeddynt Iericho, a Bethhoglah, a glynn Ceziz.

22Beth Arabah hefyd, a Semaraim, a Beth-el.

23Afim hefyd, a Pharah, ac Ophrah.

24A Chephar, Ammonai, ac Ophni, a Gaba: deuddec o ddinasoedd ai trefydd.

25Gibeon, a Ramah, a Beeroth.

26Mispeh hefyd, a Chephirah, a Mosa.

27Recem hefyd, ac Irpeel, a Tharolah.

28Zela hefyd, Eleph, ac Iebusi (honne Ierusalem) Gibeath Chiriath pedair ar ddeg o ddinasoedd ai pentrefydd: dymma etifeddiaeth meibion Beniamin yn ôl eu teuluoedd.