1Cymmer dithe alar-nâd am dywysogion Israel,
2A dywet, pa ham y gorweddodd dy fam yn llewes rhwng llewod? yng-hanol y llewod ieuaingc y maethodd hi ei chenawon.
3Pan ddygodd hi i fynu vn oi chenawon, llew ieuangc oedd: dyscase hefyd ysclyfaethu ysclyfaeth, bwyttase ddynion.
4Yna y cenhedloedd a glywsant am dano, daliwyd ef yn eu rhwyd hwynt, a dugasant ef mewn cadwynau i dîr yr Aipht.
5Ac hi a welodd pan ddisgwiliodd, ddarfod am ei gobaith, a hi a gymmerodd vn oi chenawon, ai gosododd ef yn llew ieuangc.
6Yntef a rodiodd ym mysc llewod, llew ieuangc ydoedd efe: dyscodd hefyd sclyfaethu sclyfaeth, a bwyttâodd ddynion.
7Adnabu hefyd eu gweddwon hwynt, ai dinasoedd a anrheithiodd efe: îe anrheithiwyd y tîr, ai gyflawnder gan lais ei ruad.
8Yna y cenhedloedd a ymosodasant yn ei erbyn ef o amgylch y talaithiau, ac a danâsant eu rhwyd arno ef: ac ai daliasant ef yn eu ffôs.
9A hwynt ai rhoddasant ef mewn carchar, ac ai dugasant mewn cadwyni at frenin Babilon: dugasant ef i gestyll, fel na chlywid ei lais ef mwy ar fynyddoedd Israel.
10Dy fam fel gwinwydden wedi ei phlannu wrth ddyfroedd yn dy waed: ffrwythlon, a brigoc oedd wrth ddyfroedd lawer.
11Ac yr oedd iddi wiail cryfion, yn deyrnwiail llywodraethwŷr, ai huchter vchel hyd rhwng y tew-frîg: fel y gwelid hi yn ei huchter yn amlder ei changhennau.
12Onid hi a dynnwyd mewn llidiawgrwydd: bwriwyd hi i’r llawr: a gwynt y dwyrain a wywodd ei ffrwyth hi, ei a yssigasant, ac a wywasant: am wialen ei chryfder, tân ai hyssodd.
13Ac yr awr hon hi a blannwyd mewn anialwch, mewn tîr crâs, a sychedic.
14A thân a aeth allan o wialen ei changhennau, yssodd ei ffrwyth hi fel nad oedd ynddi wialen grêf, yn dieyrn-wialen i lywodraethu. Alar-nad yw hynn: ac yn alar-nad y bydd.
Who We AreWhat We EelieveWhat We Do
2025 by iamachristian.org,Inc All rights reserved.
