Deuteronomium 27 - William Morgan Bible 1588 original edition

PEN. XXVII.Gorchymyn scrifennu y gyfraith mewn carrec er coffadwriaeth. 5 Am adailadaeth yr allor. 12 Am y bendithion ar fynydd Garizim. 13 Am y melldithion ar fynydd Ebal.

1Yna y gorchymynnodd Moses, a henuriaid Israel i’r bobl gan ddywedyd: cedwch yr holl orchymynnion y rhai yr ydwyfi yn eu gorchymyn i chwi heddyw.

2A bydded yn y dydd yr hwn yr elech tros yr Iorddonen i’r tîr yr hwn y mae’r Arglwydd dy Dduw yn ei roddi it: godi o honot i ti gerric mawrion, a chalcha hwynt a chalch.

3Ac scrifenna arnynt holl eiriau y gyfraith hon, pan elech trosodd i fyned i’r tîr yr hwn y mae’r Arglwydd dy Dduw yn ei roddi it, tîr yn llifeirio o laeth a mêl: megis ac y llefarodd Arglwydd Dduw dy dadau wrthit.

4A phan eloch tros yr Iorddonen codwch y cerric hynn y rhai yr ydwyfi yn eu gorchymyn i chwi heddyw ym mynydd Ebal: a chalcha hwynt a chalch.

5Ac Exod.20.25. Ios.8.31.adailada yno allor i’r Arglwydd dy Dduw, allor gerric, na chyfot arnynt haiarn.

6[A] cherric cyfan yr adailedi allor yr Arglwydd dy Dduw, yna offrymma arni boethoffrymmau, i’r Arglwydd dy Dduw.

7Offrymma hefyd hedd aberthau, a bwytta yno, a llawenycha ger bron yr Arglwydd dy Dduw.

8Ac scrifenna ar y cerric holl eiriau y gyfraith hon yn eglur ddigon.

9A llefarodd Moses, a’r offeiriaid Lefiadaidd wrth holl Israel gan ddywedyd: gwrando a chlyw ô Israel, y dydd hwn i’th wnaethbwyd yn bobl i’r Arglwydd dy Dduw.

10Gwrando gan hynny ar lais yr Arglwydd dy Dduw, a gwna ei orchymynnion ef, ai ddeddfau y rhai’r wyfi yn eu gorchymyn i ti heddyw.

11A gorchymynnodd Moses bobl y dydd hwnnw gan-ddywedyd:

12Y rhai hyn a safant i fendithio y bobl ar fynydd Garizim, pan eloch tros yr Iorddonen: Simeon, a Lefi, ac Iuda, ac Issachar, ac Ioseph a Beniamin.

13A’r hai hyn a safant i felldithio ar fynydd Ebal: Ruben, Gad, ac Aser, Zabulon hefyd, Dan, a Nephthali.

14Yna y Lesiaid a destiolaethant, ac a ddywedant wrth bob gŵr Israel llef vchel:

15Melldigedic yw’r gŵr yr hwn a wnêl ddelw gerfiedic, neu ddelw doddedic ffieidd-dra’r Arglwydd gwaith dwylo y saer, ac ai gosodo mewn dirgel: a’r holl bobl a attebant, ac a ddywedant, Amen.

16Melldigedic yw’r hwn a ddirmygo ei dâd, neu ei fam: a dyweded yr holl bobl Amen.

17Melldigedic yw’r hwn a symmudo derfyn ei gymydog: a dyweded yr holl bobl Amên.

18Melldigedic yw’r hwn a gyfeiliorno y dall o’r ffordd: a dyweded yr holl bobl Amên.

19Melldigedic yw’r hwn a ŵyro farn y dieithr, yr ymddifad, a’r weddw: a dyweded yr holl bobl Amên.

20Melldigedic yw’r hwn a orweddo gyd a gwraig ei dâd, o herwydd datcuddiodd odre ei dâd: a dyweded yr holl bobl Amên.

21Melldigedic yw’r hwn a orweddo gyd ag vn anifail, a dyweded yr holl bobl Amên.

22Melldigedic yw’r hwn a orweddo gyd ai chwaer, merch ei dâd, neu ferch ei fam ef: a dyweded yr holl bobl Amên.

23Melldigedic yw’r hwn a orweddo gyd ai chwegr: a dyweded yr holl bobl Amên.

24Melldigedic yw’r hwn a darawo ei gymydog yn ddirgel: a dyweded yr holl bobl Amên.

25 Ezec.22.12. Melldigedic yw’r hwn a gymmero wobr er dieneidio gwaed gwirion: a dyweded yr holl bobl Amên.

26 Gala.3.10. Melldigedic yw’r hwn ni pharhâo yng-eiriau y gyfraith hon, gan eu gwneuthur hwynt: a dyweded yr holl bobl Amen.