Ezeciel 47 - William Morgan Bible 1588 original edition

PEN. XLVII.Gweledigaeth y dyfroedd y rhai a ddaethant o’r Deml. 13 Terfynau a rhanniad y tîr.

1Ac efe a wnaeth i’m ddychwelyd i ddrws y tŷ, ac wele ddwfr yn dyfod allan oddi tann rinniog y tŷ tua’r dwyrain, o herwydd talcen y tŷ’r dwyrain: a’r dyfroedd oeddynt yn descyn oddi tann ystlys dehau’r tŷ, o du’r deau i’r allor.

2Ac efe a’m dug i ffordd porth y gogledd, ac a wnaethim amgylchu y ffordd oddi allan, hyd y porth nessaf allan y ffordd yr hon sydd yn edrych tua’r dwyrain: ac wele ddyfroedd yn tarddu o’r ystlys dehau.

3Pan aeth y gŵr (yr hwn oedd â’r llinin yn ei law) allan tua’r dehau, yno y messurodd fil o gufyddau, ac a’m tywysodd i’r dwfr, a’r dwfr hyd y fferau.

4Ac efe a fessurodd fil ac a’m tywysodd i’r dwfr, dwfr hyd y gliniau, ac a fesfurodd fil ac a’m tywysodd, a’r dyfroedd hyd y lwyni.

5Ac a fessurodd fil afon yr hon ni allwn fyneb trwyddi, canys codasse y dyfroedd yn ddyfroedd nofiadwy, yn afon yr hon nid eid trwyddi.

6Ac efe a ddywedodd wrthif, oni welaist di fab dŷn? yna i’m tywysodd, ac i’m dychwelodd hyd lann yr afon.

7A phan i’m dychwelodd, wele ar lann yr afon goed lawer iawn o bob tu.

8Ac efe a ddywedodd wrthif, y dyfroedd hyn ydynt yn myned allan tua brô y dwyrain, ac a ddescynnant ar y gwastad, ac a ânt Zach.14.8.tua’r môr, ac wedi myned i’r môr yr iecheuir y dyfroedd.

9Yna y bydd pob peth byw, yr hwn a ymlusco i’r lle oll y delo’r afonydd fyw, ac fe a fydd pyscod lawer iawn, o herwydd dyfod y dyfroedd hynn yno: canys iachus fyddāt, a phob dim lle y delo’r afon fydd byw.

10A bydd i’r pyscod-wŷr sefyll arni o En Gedi, hyd En Eglaim, fyddant yn danfa rhwydau: eu pyscod fyddant yn ôl eu rhyw fel pyscod y môr mawr, yn aml iawn.

11Ei chorsydd, ai ffosydd ni iacheuir, yn halen y rhoddir hwynt.

12Eithr ar yr afon y cyfyd ar ei glann o’r ddau tu bob prenn ymborth, ei ddalen ni syrth, ai ffrwyth ni dderfydd, yn ei bryd yr addfeda, o herwydd ei ddyfroedd ydynt yn dyfod allan o’r cyssegr: am hynny y bydd ei ffrwyth yn ymborth, ai afalau yn feddiginiaeth.

13Fel hyn y dywed yr Arglwydd Dduw, dymma y terfyn wrth yr hwn y rhennwch y tir yn etifeddiaeth i ddeuddec llwyth Gen.48.22.Israel, Ioseph a o rannau.

14Hefyd chwi ai hetifeddwch hi, yr hon a Gen.12.7.|GEN 12:7. Gen.13.15.|GEN 13:15. Gen.15.18.|GEN 15:18. Gen.26.4.|GEN 26:4. Deut.34.4.dyngais ar ei rhoddi i’ch tadau bob vn fel ei gilydd, felly y syrth y tîr hwn i chwi yn etifeddiaeth.

15Dymma derfyn y tîr o du yr gogledd, o’r môr mawr tua Hethlon, ffordd yr eir i Zedada.

16[Sef] Hamath, Berotha, Sabarim, y rhai rhwng terfyn Damascus, a therfyn Hamath, Hazar, Hatticon, y rhai ar derfyn Hauran.

17Felly y bydd terfyn o fôr Hazar, Enan, terfyn Damascus, a y gogledd tua’r gogledd, a therfyn Hamath: ac dymma du y gogledd.

18Ac ystlys y dwyrain a fesurwch chwi oddi rhwng Hauran a Damascus, a Gilead, a thîr Israel yr Iorddonen o’r terfyn hyd fôr y dwyrain: ac dymma du y dwyrain.

19A thu’r deau tu a Theman o Thamar hyd ddyfroedd cynnen Cades, afon hyd y môr mawr: ac dymma du yr deau tua Theman.

20A thu yr gorllewyn y môr mawr o’r terfyn hyd oni ddeuir ar gyfer Hamath: dymma du’r gorllewyn.

21Felly y rhennwch y tîr hwn i chwi yn ôl llwythau Israel.

22Bydded hefyd rannu o honoch y hi yn etifeddiaeth i chwi, ac i’r dieithriaid y rhai a ymdeithiant yn eich mysc chwi, y rhai a genhedlant blant yn eich plith chwi, a byddant i chwi fel vn wedi ei eni ym mysc meibion Israel: gyd â chwi y bwriant am etifeddiaeth ym mysc llwythau Israel.

23A bydded ym mha lwyth bynnac yr ymdeithio y dieithr gyd ag ef, yno y rhoddwch ei etifeddiaeth ef medd yr Arglwydd Dduw.