1A Phan ddaethant i Echatane yr aethant i dŷ Ranguel: a Sarra a aeth iw cyfarfod hwynt, ac a gyfarchodd iddynt, a hwythau iddi hithe, ac hi ai dug hwynt i’r tŷ:
2Yna y dywedodd Raguel wrth Edna ei wraig, mor Debyg yw ’r gŵr ieuangc ymma i’m cefnder Tobit?
3A Raguel a ofynnodd iddynt, o ba le eich hannyw fy mrodyr: yna y dywedasant wrtho, o feibion Nephthalim, y rhai ydynt gaethion yn Ninife.
4Yna y dywedodd efe wrthynt, a adwaenoch chwi Tobit ein brawd: hwyntau a attebasant, adwaenom: yna y dywedodd yntef wrthynt, a ydyw efe yn iach:
5A hwynt a ddywedasant, y mae efe yn fyw, ac yn iach A Thobias a ddywedodd, fy nhad yw efe.
6Yna Raguel a neidiodd ac ai cusanodd ef, ac a ŵylodd,
7Ac ai bendithiodd gan ddywedyd wrtho, yr wyt ti yn fab i wr honest, ac i wr-da: eithr pan glybu fyned Tobit yn ddall tristau a wnaeth, a ŵylo:
8Ac Edna ei wraig, a Sarra ei serch a ŵylasant. Ac eu croesawu hwynt a wnaethant yn ewyllyscar, ac a laddasant fyharē o’r defaid ac a roddasant ger eu bronnau amryw seigiau. Yna y dywedodd Tobias wrth Raphael, fy mrawd Azarais, dywet am y pethau hynny a sonniaist am danynt ar y ffordd, fel y gallo yr peth ddyfod i benn.
9Ac yntef a ddywedodd am y chwedl wrth Raguel, a Raguel a ddywedodd wrth Tobias, bwytta ac ŷf, a gwna yn llawen,
10Gweddus ydyw i ti gael fy merch i, etto mi a ddangosâf y ti yr gwirionedd.
11Mi a roddais fy merch i saith o wŷr, a’r nos yr honn yr aethant i mewn atti, y buant feirw: eithr bydd di gyssurus a llawen: a Thobias a ddywedodd, ni fwytaf fi ddim ymma nes i chwi ddyfod ger bron, a gwneuthur penn â myfi.
12A Raguel a ddywedodd wrtho, cymmer vithe hi yn ôl y gyfraith, canys trâs wyt iddi, a hithe i tithe: ar trugarog Dduw a’ch llwyddo ym mhob daioni.
13Ac efe a alwodd Sarra ei ferch, ac hi a ddaeth at ei thad, yna efe ai cymmerth hi erbyn ei llaw ac ai rhoddes yn wraig i Tobias, gan ddywedyd: wele cymmer hi yn ôl cyfraith Moses, a dwg hi ymmaith at dy dad, ac efe ai bendithiodd hwynt:
14Ac wedi iddo alw Edna ei wraig, efe a gymmerth lyfr, ac a scrifennodd scrifen o’r ammod, ac ai seliodd.
15Ac yna y dechreuasant fwytta.
16A Raguel a alwodd Edna ei wraig, ac a ddywedodd wrthi, fy chwaer, trefna stafell arall, a dwg hi i mewn.
17A hi a wnaeth fel y dywedodd efe, ac ai dug hi i mewn i’r stafell, a hithe a ŵylodd, ai mam a dderbynniodd ddagreu ei merch,
18Gan ddywedyd wrthi, cymmer gyssur fy merch, rhodded Arglwydd nef a daiar i ti lawenydd yn lle yr tristwch ymma: bydd lawen fy merch.
Who We AreWhat We EelieveWhat We Do
2025 by iamachristian.org,Inc All rights reserved.
