2.Samuel 1 - William Morgan Bible 1588 original edition

PENNOD. I.1 Un yn dwyn newydd i Ddafyd o farwolaeth Saul. 14 Gwobr yr hwn ai dûg. 17 Galar-nad Dafydd am Saul, ac Ionathan.

1Ac yn ôl marwolaeth Saul pan ddychwelase Dafydd 1.Sam.30.17.o ladd yr Amaleciaid: wedi aros o Ddafydd ddeu-ddydd yn Siclag,

2Yna y trydydd dydd wele ŵr yn dyfod o’r gwerssyll oddi wrth Saul, ai ddillad wedi eu rhwygo, a phridd ar ei benn: a phan ddaeth efe at Ddafydd, yna efe a syrthiodd i lawr, ac a ymgrymmodd.

3A Dafydd a ddywedodd wrtho ef, o ba le y daethost di? yntef a ddywedodd wrtho ef, o werssyll Israel y diengais i.

4Yna y dywedodd Dafydd wrtho ef, beth yw’r matter mynega attolwg i mi? yntef a ddywedodd, y bobl a ffoawdd o’r rhyfel, a llawer hefyd o’r bobl a syrthiodd, ac a fuant feirw: Saul hefyd ac Ionathan ei fab a fuant feirw.

5A Dafydd a ddywedodd wrth y llangc yr hwn oedd yn mynegu iddo ef: pa fodd y gwyddost di farw Saul, ar Ionathan ei fab?

6Yna’r llangc yr hwn oedd yn mynegu iddo ef a ddywedodd, digwyddodd i mi ddyfod i fynydd Gilboa, ac wele Saul oedd yn pwyso ar ei waiw-ffon: wele hefyd y cerbydau a’r marchogion yn ei erlid ef.

7Ac efe a edrychodd oi ôl, ac am canfu i: ac a alwodd arnafi, minne a ddywedais wele fi.

8Dywedodd yntef wrthifi, pwy ti? minne a ddywedais wrtho ef, Amaleciad fi.

9Yna y dywedodd efe wrthifi, saf attolwg arnaf a lladd fi, cays dychryn a’m daliodd i, o herwydd fy holl enaid ynofi etto.

10Felly mi a sefais arno ef, ac ai lleddais ef, canys gwybum na bydde efe byw ar ôl ei gwymp: a chymmerais y goron yr hon ar ei benn ef, a’r fraichled yr hon am ei fraich ef, ac ai dugum hwynt ymma at fy arglwydd.

11Yna Dafydd a ymaflodd yn ei ddillad, ac Pen.3.31.|2SA 3:31 & 13.31.ai rhwygodd hwynt: a’r holl wŷr hefyd y rhai gyd ag ef.

12Galarasant hefyd, ac ŵylasant, ac ymprydiasant hyd yr hwyr am Saul, ac am Ionathan ei fab, ac am bobl yr Arglwydd, ac am dŷ Israel, o herwydd iddynt syrthio trwy gleddyf.

13A Dafydd a ddywedodd wrth y llangc yr hwn oedd yn mynegu iddo ef, o ba le i’th di? yntef a ddywedodd mab i ŵr dieithr o Amaleciad ydwyfi.

14Yna y dywedodd Dafydd wrtho ef: Psal.105.15.pa fodd nad ofnaist di estyn dy law i ddifetha eneiniog yr Arglwydd?

15A Dafydd a alwodd ar vn o’r gweision, ac a ddywedodd, nessâ, rhuthra iddo ef: ac efe ai tarawodd ef, fel y bu efe farw.

16Yna y dywedodd Dafydd wrtho ef, dy waed ti ar dy benn dy hun: canys dy enau dy hun a destiolaethodd yn dy erbyn gan ddywedyd: myfi a leddais eneiniog yr Arglwydd.

17A Dafydd a alar-nadodd yr alar-nad hon am Saul, ac am Ionathan ei fab ef.

18Dywedodd hefyd am ddyscu meibion Iuda a bŵa: wele y mae yn scrifennedic Iosua 10.13.yn llyfr yr iniawn.

19Oh ardderchawgrwydd Israel, efe a archollwyd ar dy vchelfaoedd di: pa fodd y cwympodd y cedyrn?

20Nac Mic.1.10.adroddwch yn Gath, na fynegwch yn heolydd Ascelon: rhac llawenychu merched y Philistiaid, rhac gorfoleddu o ferched y rhai dienwaededic.

21Oh fynyddoedd Gilboa, na arnoch chwi wlith na glaw, na meusydd o offrymmau: canys yno y syrthiodd tarian y cedyrn, tarian Saul, fel pe buase heb ei eneinio ag olew.

22Oddi wrth waed lladdedigion, oddi wrth frasder cedyrn ni phlygodd bŵa Ionathan yn ôl: a chleddyf Saul ni ddychwelodd yn wâg.

23Saul ac Ionathan gariadol ac annwyl yn eu bywyd, ac yn eu marwolaeth ni wahanwyd hwynt: cynt oeddynt na’r erŷrod, chryfach oeddynt na’r llewod.

24Merched Israel ŵylwch am Saul: yr hwn oedd yn eich dilladu chwi ag scarlat gyd ag hyfrydwch, yr hwn oedd yn gwisco addurnwisc aur ar eich gwisc chwi.

25Pa fodd y cwympodd y cedyrn yng-hanol y rhyfel? Ionathan a laddwyd ar dy vchelfaoedd.

26Gofid arnafi am danati fy mrawd Ionathan, cû iawn fuost gennyfi: rhyfeddach oedd dy gariad tua ag attafi na chariad gwragedd.

27Pa fodd y syrthiodd y cedyrn, ac y difethwyd arfau rhyfel?