2.Samuel 23 - William Morgan Bible 1588 original edition

PEN. XXIII.Geiriau diweddaf Dafydd. 8 Henwau, a chyflafan cedyrn Dafydd.

1Dymma eiriau diweddaf Dafydd: dywedodd Dafydd mab Isai, a dywedodd y gŵr yr hwn a osodwyd yn vchel, eneiniog Duw Iacob, a pheraidd yng-haniadau Israel.

2Yspryd yr Arglwydd a lefarodd ynofi: ai ymadrodd ef ar fy nhafod.

3Duw Israel a ddywedodd wrthifi, craig Israel a ddywedodd: lywodraethwr ar ddynion yn gyfiawn yn llywodraethu ofn Duw:

4Ac fel boreuol oleuni pan gyfodo haul foreucwaith heb gwmylau, ac nid fel eginin yr hwn a dyf o’r ddaiar drwy lewyrchiad, a glaw.

5Canys nid felly y fy nhŷ i gyd a Duw: o herwydd cyfammod tragywyddol a osododd efe i mi, wedi ei luniaethu yn hollawl, ac yn gadwedig, canys fy holl iechydwriaeth, a’m holl ddymuniad na wnaiff efe flaguro

6A’r rhai anwir fyddant oll fel drain symudedic: canys mewn llaw nis cymmerir hwynt.

7Ond y gŵr a gyffwrdd a hwynt a gynnorthwyir a haiarn, ac a phaladr gwaiffon: ac a thân y lloscir hwynt yn trig-le.

8Dymma enwau y cedyrn y rhai gan Ddafydd: yr hwn a eistedde yng-hader doethineb, yn bennaeth y tywysogion oedd Adino yr Esinad, yn erbyn wyth-gant o rhai archolledig ar vnwaith.

9Ac ar ei ôl ef Eleazar mab Dodo, 1.Cron.11.12.fab Ahohi, ym mhlith y tri cedyrn gyd a Dafydd, pan ddifenwasant hwy y Philistiaid a ymgynnullasant yno i ryfel, pan aeth gwyr Israel i fynu.

10Efe a gyfododd, ac a darawodd ar y Philistiaid nes deffygio ei law ef, a glynu oi law ef ŵrth y cleddyf, a’r Arglwydd a wnaeth iechydwriaeth mawr y diwrnod hwnnw: a’r bobl a ddychwelasant ar ei ôl ef yn vnic i anrheithio.

11Ac ar ei ôl ef 1.Cron.11.27.Samma mab Age yr Harariad: a’r Philistiaid a ymgynnullasant yn dorf, ac yr oedd yno rann o’r maes yn llawn o ffacbys; a’r bobl a ffoawdd o flaen y Philistiaid.

12Ond efe a safodd yng-hanol y rhandir, ac ai hachubodd, ac efe a darawodd y Philistiaid: felly y gwnaeth yr Arglwydd ymwared mawr.

13A thri o’r dêg pennaeth ar hugain a ddescynnasant, 1.Cron.11.15.ac a ddaethant y cynhaiaf at Ddafydd i ogof Adulam: a thorf y Philistiaid oedd yn gwerssyllu yn nyffryn y cawri.

14A Dafydd yna mewn amddeffynfa: a sefyllfa y Philistiaid yna yn Bethlehem.

15Yna y blyssiodd Dafydd, ac y dywedodd: pwy a’m didda i a dwfr o bydew Bethlehem, yr hwn yn y porth?

16Yna yr tri chedyrn a ruthrasant i werssyll y Philistiaid, ac a dynnasant ddwfr o bydew Bethlehem yr hwn yn y porth ac a gymmerasant hefyd, ac a ddugasant at Ddafydd: ond ni fynne efe ei yfed ef, eithr efe ai diod-offrymmodd ef i’r Arglwydd,

17Ac a ddywedodd, na atto yr Arglwydd i mi wneuthur hyn, a waed y gwyr a aethant mewn am eu henioes? 1.Cron.11.19.am hynny ni fynne efe ei yfed: hyn a wnaeth y tri chedyrn hynny.

18Ac 1.Cron.11.21.Abisai brawd Ioab, mab Serfia oedd bennaf o’r tri, ac efe a escydwodd ei waiwffō ar dry-chant lladdodd ac iddo ef enw ym mhlith y tri.

19Onid anrhydeddusach na’r tri hyn? a bu iddynt yn dywysog: etto ni chyrrheddodd efe y tri

20A Banaia mab Iehoiada, mab gŵr grymmus o Cabzel, aml o weithredoedd: efe a laddodd ddau o gedyrn Moab, ac efe aeth i wared, ac a laddodd ryw lew o fewn y pydew yn amser yr eira.

21Ac efe a darawodd Aipht-ddyn, gŵr golygus ac yn llaw yr Aiphtiad gwaiw-ffon, eithr efe a ddaeth i wared atto ef a gwialen: ac a gippiodd y waiw-ffon o law yr Aiphtiad, ac ai lladdodd ef, ai waiw-ffon ei hun.

22Hyn a wnaeth Banaia mab Iehoiada: ac iddo enw ym mhlith y tri cedyrn.

23Anrhydeddusach na’r dêc ar hugain, ond ni chyrheddodd efe y tri etto Dafydd ai gosododd ef yn ei gyngor.

24 Pen.2.18. Asahel brawd Ioab o’r dêc ar hugain: Elhanan mab Dodo y Bethlehemiad.

25 1.Cron.11.27. Samma’r Harodiad, Elica yr Harodiad

26Helez 1.Cron.11.27.y Paltiad, Ira mab Icces y Theociad.

27Abieser yr Anatothiad, Mebunnai yr Husathiad,

28Salomon yr Ahohiad, Mahari y Netophathiad.

29 1.Cron.11.30. Heleb mab Baana y Netophathiad: Ithai mab Ribai o Gibea meibion Beniamin.

30Benaia y Pirathoniad, 1.Cron.11.32.Hidai o afonydd Gaas.

31 1.Cron.11.32,33. Abi-albon yr Arbathiad, Azmafeth * y Barhumiad.

32Elihaba y Saalboniad, o feibion Iasen Ionathan.

33Samma yr Harariad, Ahiam mab Sarar yr Arariad.

34Eliphelet mab Ahasbai, mab Maachathi: Eliam mab Ahitophel y Giloniad.

35Hesrai y Carmeliad, Paarai, yr Arbiad.

36Igal mab Nathan o Zobah, Bani y Gadiad.

37Selec yr Ammoniad: Nahari y Beerothiad yn dwyn arfau Ioab mab Serfia.

38Ira yr Ithriad, Gareb yr Ithriad.

39Vrias yr Hethiad, dau ar bymthec, ar hugain oll.