Zacharias 9 - William Morgan Bible 1588 original edition

PEN. IX.Dinistr gelynion yr eglwys. 7 Dychweliad y cenhedloedd. 9 Dyfodiad Crist ar yr assyn.

1Baich gair yr Arglwydd yn erbyn tîr Hadrac: a Damascus ei orphwysfa ef: o blegit ar yr Arglwydd y bydd llygad dŷn, a llwythau Israel oll.

2Felly Hemath hefyd a derfyna oi mewn ei hun: Tyrus, a Sidon hefyd, canys doeth odieth ydynt.

3A Thyrus a adailada iddi ei hun gastell, ac a gynnull arian fel llwch, ac aur coeth fel tomm yr heolydd.

4Wele’r Arglwydd ai speilia, ac a deru ei nerth hi yn y môr, a hi a yssir â thân.

5Ascalon a wêl, ac a ofna, a Azza a ymofidia yn ddirfawr, felly Accaron hefyd am ei chywilyddio oi gobaith, difethir hefyd y brenin allan o Azza, ac Ascalon nid erys.

6Estron hefyd a drig yn Astod, a thorraf i lawr falchder y Philistiaid.

7A mi a symmudaf ymmaith ei waed oddi wrth ei enau, ai ffiaidd-dra oddi rhwng ei ddannedd, ac efe a weddillir i’n Duw ni, fel y byddo megis pennaeth yn Iuda, ac Accaron megis Iebusiad.

8A gwerssyllaf wrth fy nhŷ rhac y llu, rhac a êl heibio, a rhac a ddatrô, fel nad elo gorthrymmwr arnynt mwyach: canys weithian gwelais am llygaid.

9Bydd lawen iawn ti ferch Sion, a chrechwenna ha ferch Ierusalem, Math.21.5.wele dy Frenin yn dyfod attat yn gyfiawn, ac achubudd yw efe, efe yn dlawd, ac yn marchogeth ar assyn, ac ar lwdn assyn.

10Torraf hefyd y cerbyd oddi wrth Ephraim, a’r march oddi wrth Ierusalem, a’r bwa rhyfel a dorrir, ac efe a lefara heddwch i’r cenhedloedd, ai lywodraeth o fôr hyd fôr, ac o’r afon hyd eithafoedd y tir.

11A thithe yng-waed dy ammod gollyngais dy garcharorion o’r pydew heb ddwfr ynddo.

12Troiwch i’r cestyll chwi garcharorion gobaithiol, heddyw’r ydwyf yn dangos y talaf it yn ddau ddyblig.

13Canys annelais Iuda i’m yn fwa, llenwais Ephraim, a’th feibion di Sion a gyfodais yn erbyn dy feibion dithe Groec, ac a’th osodais fel cleddyf cawr.

14Yr Arglwydd a welir trostynt, ai saethau ef a ânt allan fel mellt, a’r Arglwydd Dduw a gân ag vdcorn, ac a gerdd yn rhyferth-wynt y dehau.

15Arglwydd y lluoedd ai hamddeffyn hwynt, fel y bwyttânt, ac y gostyngant gerric y dafl, yfant therfyscant megis gwin, a llanwyd hwynt fel mail, ac fel conglau’r allor.

16A’r Arglwydd eu Duw ai gwared hwynt y dydd hwnnw fel mintai oi bobl: canys fel meini coron y byddant wedi eu derchafu ar ei dîr ef.

17Canys pa feint ei lâs ef, a pha feint ei degwch ef? yr ŷd a lawenycha ei wŷr ieuaingc ef, a’r gwin ei weryfon.