Psalmau 119 - William Morgan Bible 1588 original edition

Psalm. cxix.Aleph. א

1 Gwynfyd y rhai perffaith fford: y rhai a rodiant yng-hyfraith yr Arglwydd.

2Gwyn-fyd y rhai a gadwant ei destiolaethau ef: ai ceisiant ef ai holl galon.

3Yn ddiau ni wnant anwiredd a rodiant yn ei ffordd ef.

4Ti a orchymynnaist gadw dy orchymynnion yn ddyfal.

5O am gyfeirio fy ffyrdd i gadw dy ddeddfau.

6Yna ni’m gwaradwyddid, pan edrychwn ar dy holl orchymynnion.

7Clodforaf di mewn iniondeb calon, pan ddyscwyf farnedigaethau dy gyfiawnder.

8Cadwaf dy ddeddfau: na âd fi’n dragywydd.

Beth. ב

9Pa fodd y glanhâ llangc ei lwybr? wrth ymgadw yn ôl dy air di.

10A’m holl galon i’th geisiais, na âd i mi gyfeiliorni oddi wrth dy orchymynnion.

11Cuddiais dy ymadroddion yn fyng-halon, er mwyn na phechwn i’th erbyn.

12Ti Arglwydd fendigedic: dysc i mi dy ddeddfau.

13A’m gwefusau y treuthais holl farnedigaethau dy enau.

14Bu mor llawen gennif ffordd dy destiolaethau a’r holl olud.

15Yn dy orchymynnion y myfyriaf, ac ar dy lwybrau yr edrychaf.

16Yn dy ddeddfau’r ymddigrifaf, nid anghofiaf dy air.

Gimel. ג

17Bydd ddâ wrth dy wâs, y byddwyf byw, ac y cadwyf dy air.

18Dadcuddia fy llygaid, fel y gwelwyf rhyfedd yn dy gyfraith.

19Dieithr ydwyf yn y tir, na chudd di rhagof dy orchymynnion.

20Drylliwyd fy enaid gan âwydd i’th farnedigaethau bob amser.

21Ceryddaist y beilchion: melltigêdic y rhai a gyfeiliornant oddi wrth dy orchymynnion.

22Trô oddi wrthif gywilydd a dirmyg, o blegit dy destiolaethau di a gedwais.

23Tywysogion hefyd a eisteddâsant: a ddywedâsant i’m herbyn, dy wâs dithe a fefyrie yn dy ddeddfau.

24A’th destiolaethau fy hyfrydwch a’m cynghor-wŷr.

Daleth. ד

25Glŷnodd fy enaid wrth y llwch, bywhâ fi’n ôl dy air.

26Fy ffyrdd a fynêgais, a gwrandewaist fi: dysc i mi dy ddeddfau.

27Gwna i mi ddeall ffordd dy orchymynnion, a mi a fyfyrriaf yn dy ryfeddodau.

28Diferodd fy enaid gan ofid: bywhâ fi’n ôl dy air.

29Cymmer oddi wrthif ffordd y celwydd, ac yn drugarog dod ti i mi dy gyfraith.

30Dewisais ffordd dy wirionedd: gosodais dy farnedigaethau

31Glŷnais wrth dy destiolaethau: ô Arglwydd, na’m gwradwydda.

32Ffordd dy orchymynnion a rêdaf, pan ehangech fyng-halon.

He. ה

33 Dysc i mi ô Arglwydd ffordd dy ddeddfau, a chadwaf hi y diwedd.

34Gwna i mi ddeall, a chadwaf dy gyfraith: îe cadwaf hi a’m holl galon.

35Gwna i mi gerdded yn llwybr dy orchymynnion: canys ynddo y mae fy ewyllys.

36Gostwng fyng-halon at dy destiolaethau: ac nid at gybydd-dra.

37Tro heibio fy llygaid rhag gweled gwagedd: bywhâ fi yn dy ffyrdd.

38Cyflawna dy air i’th wâs, fel i’th ofn di.

39Tro heibio fyng-wradwydd yr hwn a ofnais: canys dy farnedigaethau ddâ.

40Wele awyddus ydwyf i’th orchymynnion: gwna i mi fyw yn dy gyfiawnder.

Faw. ו

41Deued i mi dy drugaredd Arglwydd, a’th iechydwriaeth yn ôl dy air.

42Yna’r attebaf i’m cabludd: o herwydd yn dy air y gobeithiais.

43Na ddwg dithe air y gwirionedd o’m genau yn llwyr: o herwydd yn dy farnedigaethau di y gobeithiais.

44A’th gyfraith a gadwaf yn wastadol byth ac yn dragywydd.

45Rhodiaf hefyd mewn ehangder, o herwydd dy orchymynnion di a geisiaf.

46Ac am dy destiolaethau di y llefaraf o flaen brenhinoedd, ac ni’m cywilyddir.

47Onid ymddigrifaf yn dy orchymynnion y rhai a hoffais.

48A’m dwylo a dderchafaf at dy orchymynnion y rhai a gêrais, a mi a fefyriaf yn dy ddeddfau di.

Zain. ז

49Cofia air i’th wâs yn yr hwn y peraist i mi obeithio.

50Dymma fyng-hyssur mewn cystudd, mai dy air di a’m bywha fi.

51Y beilchion a’m gwatwarasant yn ddirfawr: ni throais oddi wrth dy gyfraith di.

52Cofiais ô Arglwydd dy farnedigaethau er ioed, ac ymgyssurais.

53Ofn a ddaeth arnaf o blegit yr annuwiolion, y rhai sydd yn gadu dy gyfraith di.

54Dy ddeddfau oeddynt fyng-hân yn nhŷ fy mhererindod.

55Cofiais dy enw Arglwydd liw nôs, a chedwais dy gyfraith.

56Hyn oedd gennif, a’m gadw o honof dy orchymynnion di.

Cheth. ח

57O Arglwydd fy rhan meddyliais gadw dy eiriau.

58Gweddiais ger dy fron holl galon: trugarhâ wrthif yn ôl dy air.

59Meddyliais am fy ffyrdd, a throais fy nhraed at dy destiolaethau di.

60Bryssiais, ac nid oedais gadw dy orchymynnion.

61Minteioedd yr annuwiolion a’m hyspeiliasant: nid anghofiais dy gyfraith di.

62Hanner nôs y cyfodaf i’th foliannu am farnedigaethau dy gyfiawnder.

63Cyfaill i’r rhai oll a’th ofnant, ac i’r rhai a gadwant dy orchymynnion.

64Llawn yw’r ddaiar oth drugaredd ô Arglwydd: dysc i mi dy ddeddfau.

Teth. ט

65Gwnaethost yn dda a’th wâs ô Arglwydd, yn ôl dy air.

66Dysc i mi iawn ddeall, a gŵybodaeth, o herwydd yn dy orchymynnion di y credais.

67Cyn fy narostwng yr oeddwn yn cyfeiliorni: ond yn awr cedwais dy air di.

68Da a daionus, dysc i mi dy ddeddfau.

69Y beilchion a glyttiasant gelwydd i’m herbyn: minne a gadwaf dy orchymynnion a’m holl galon.

70Cyn frased a’r bloneg yw eu calon: minne a ymddigrifais dy gyfraith di.

71Da yw i mi fy narostwng, fel y dyscwn dy ddeddfau.

72Gwell i mi gyfraith dy enau, na miloedd aur, ac arian.

Iod. י

73Dy ddwylo a’m gwnaethant, ac a’m llunniasant: pâr i mi ddeall fel y dyscwyf dy orchymynnion.

74Y rhai a’th ofnant a’m gwelant, ac a lawenychant, o blegit gobeithio o honof yn dy air di.

75Gwn Arglwydd mai cyfiawn dy farnedigaethau: a chystuddio o honot fi yn ffyddlon.

76Bydded attolwg dy drugaredd i’m cyssuro yn ôl dy air i’th wasanaeth-wr.

77Deued i mi dy drugareddau, fel y byddwyf byw: o herwydd dy gyfraith fy nigrifwch.

78Cywilyddier y beilchion, canys ar gam i’m plygent myfi a fefyrriaf yn dy orchymynnion di.

79Troer attafi y rhai a’th ofnant di, a’r rhai a adwaenant dy destiolaethâu.

80Bydded fyng-halon yn berffaith yn dy ddeddfau, fel na’m cywilyddier.

Caph. כ

81Deffygiodd fy enaid am dy iechydwriaeth, wrth dy air yr ydwyf yn disgwil.

82Y mae fy llygaid yn pallu am dy air gan ddywedyd: pa bryd i’m diddêni?

83Canys ydwyf fel costrel mewn mŵg nid anghofiais dy ddeddfau.

84Pa nifer dyddiau dy wâs? pa bryd y gwnei farn ar y rhai a’m herlidiant?

85Y beilchion a gloddiâsant byllau i mi, yr hyn nid yw wrth dy gyfraith di.

86Dy holl orchymynnion wirionedd, ar gam i’m herlidiasant, cymmorth fi.

87Braidd na’m difasant ar y ddaiar, a minne ni adewais dy orchymynnion.

88Bywhâ fi yn ôl dy drugaredd: fel y cadwyf destiolaeth dy enau.

Lamed. ל

89Dy air ô Arglwydd sydd yn parhau byth yn y nefoedd.

90Dy wirionedd dros genhedlaeth a chenhedlaeth seiliaist y ddaiar, a hi a saif.

91Wrth dy farnedigaethau y safant heddyw: canys dy weision oll.

92Oni bai dy ddeddf yn hyfrydwch i mi, darfuase yna am danaf yn fyng-hystudd.

93Byth ni anghofiaf dy orchymynnion: canys â hwynt i’m bywheaist.

94Eiddot ti ydwyfi, achub fi ô herwydd dy orchymynnion a geisiais.

95Y rhai annuwiol a ddisgwyliasant am danaf i’m difetha, dy destiolaethau di a ystyriaf.

96Yr ydwyf yn gwêled diwedd ar bob perffeithrwydd, dy orchymyn di sydd dra ehang.

Mem. מ

97Mor gu gennif dy gyfraith di: hi yw fy myfyrdod beunydd.

98A’th orchymynnion yr ydwyt yn fyng-wneuthur yn ddoethach na’m gelynnion: canys byth gyd â mi.

99Deallais fwy na’m holl athrawon: o herwydd dy destiolaethau fy myfyrdod i.

100Deallais yn well na’r henuriaid, am gadw o honof dy orchymynnion di.

101Atteliais fy nhraed oddi wrth bob llwybr drwg, fel y cadwn dy air di.

102Ni chiliais oddi wrth dy farnedigaethau, o herwydd ti a’m dyscaist.

103Mor felus yw dy eiriau i’m genau: na mêl i’m safn.

104Trwy dy orchymynnion di y pwyllais: am hynny y caseais bob gau lwybr.

Nun. נ

105 Llusern dy air i’m traed, a llewyrch i’m llwybr.

106Tyngais, a chyflawnaf, y cadwn farnedigaethau dy gyfiawnder.

107Cystuddiwyd fi yn ddirfawr: bywha fi ô Arglwydd yn ôl dy air.

108Attolwg Arglwydd bydd fodlon i ewyllyscar offrymmau fyng-enau, a dysc i mi dy farnedigaethau.

109[Y mae] fy enaid yn fy llaw yn oestadol: er hynny nid anghofiais dy gyfraith.

110Y rhai annuwiol a osodasant fagl i mi: ond ni chyfeiliornais oddi wrth dy orchymynnion di.

111Cymmerais dy orchymynnion yn etifeddiaeth dros byth: o herwydd llawenydd fyng-halon ydynt hwy.

112Gostyngais fyng-halon i wneuthur dy ddeddfau byth y diwedd.

Samech. ס

113Dychymmygion a gasêais, a’th gyfraith di a hoffais i.

114Fy lloches a’m tarian ydwyt: wrth dy air y disgwiliais.

115Ciliwch oddi wrthif rai drygionus: canys cadwaf orchymynnion fy Nuw.

116Cynnal fi yn ôl dy air, fel y byddwyf byw: ac na phâr i mi gywilyddio am fyng-obaith.

117Cynnal fi, ac iach fyddaf, ac yn dy ddeddfau yr ymddigrifaf yn wastadol.

118Sethraist y rhai oll a gyrwydrent oddi wrth dy ddeddfau: canys ofer eu dichell hwynt.

119Gwnaethost i holl annuwolion y tîr ddarfod sothach: am hynny ’r hoffais dy destiolaethau.

120Dychrynnodd fyng-nhawd rhag dy ofn, ac ofnais rhag dy farnedigaethau.

Ain. ע

121Gwneuthum farn, a chyfiawnder: na ad fi i’m gorthrym-wŷr.

122Pâr i’th wâs roddi ei fryd ar ddaioni: na âd i’r beilchion fyng-orthrymmu.

123Fy llygaid a ballasant am dy iechydwriaeth, ac am dy ymadrodd cyfiawn.

124Gwna i’th wâs yn ôl dy drugaredd: a dysc i mi dy ddeddfau.

125Dy wâs ydwyfi, pâr i mi ddeall: fel yr adwaenwyf dy destiolaethau.

126Amser i’r Arglwydd wneuthur torrasant dy gyfraith di.

127Am hynny ’r hoffais dy orchymynnion yn fwy nag aur, îe nag aur coeth.

128Am hynny y cyfrifais yn iniawn orchymynnion eu gyd oll: y caseais bob gau lwybr.

Pe. פ

129Rhyfedd yw dy destiolaethau, am hynny y cadwodd fy enaid hwynt.

130Agoriad dy air a rydd oleuni, gan beri deall i rai annichellgar.

131Agorais fyng-enau a dyheais, o blegit awyddus oeddwn i’th orchymynnion di.

132Edrych arnaf a thrugarhâ-wrthif yn ôl arfer i’r rhai a garant dy enw.

133Cyfarwydda fyng-hamrau wrth dy air, ac na lywodraethed dim anwiredd arnaf.

134Gwaret fi oddi wrth drawsedd dynnion: felly y cadwaf dy orchymynnion.

135Llewyrcha dy wyneb ar dy wâs, a dysc i mi dy ddeddfau.

136Afonydd o ddyfroedd a ddescynnasant o’m llygaid, am na chadwasant dy gyfraith di.

Tsade. צ

137Cyfiawn ti ô Arglwydd, ac iniawn yw dy farnedigaethau.

138Gorchymynnaist gyfiawnder dy destiolaethau: a gwirionedd yn ddirfawr.

139Fy Zêl a’m difaodd o herwydd i’m gelynnion anghofio dy eiriau di.

140Purwyd dy ymadrodd yn ddirfawr: a’th wâs ai hoffodd hwynt.

141Bychan a dirmygus, nid anghofiais dy orchymynnion.

142Dy gyfiawnder gyfiawnder byth: a’th gyfraith wirionedd.

143Adfyd a chystudd a’m goddiweddasant: a’th orchymynnion fy nigrifwch.

144Cyfiawnder dy destiolaethau yn dragywydd: gwna i mi ddeall, a byw fyddaf.

Coph. ק

145 Llefais a’m holl galon, clyw fi ô Arglwydd, dy ddeddfau di a gadwaf.

146Llefais arnat, achub fi: a chadwaf dy destiolaethau.

147Achubais flaen y cyfddydd, a gwaeddais, wrth dy air y disgwiliais.

148Fy llygaid a achubasant flaen gwiliadwriaethau y i fyfyrio yn dy air di.

149Clyw fy llef yn ôl dy drugaredd, Arglwydd bywhâ fi yn ôl dy farnedigaethau.

150Y rhai a ddilynant scelerder a nessasant ac a ymbellhasant oddi wrth dy gyfraith di.

151Tithe Arglwydd agos: canys dy holl orchymynnion wirionedd.

152Er ystalm y gwyddwn am dy destiolaethau, selio o honot hwynt yn dragywydd.

Resh. ר

153Gwêl fyng-hystudd, a gwaret fi, canys nid anghofiais dy air di.

154Dadle fy nadl, a rhyddhâ fi: bywhâ fi o herwydd dy air.

155Pell iechydwriaeth oddi wrth y rhai annuwiol: o herwydd na cheisiasant dy ddeddfau di.

156Dy drugareddau Arglwydd aml: bywhâ fi yn ôl dy farnedigaethau.

157Llawer sydd yn fy erlid, ac yn fyng-wrthwynebu: ni throais oddi wrth dy destiolaethau.

158Gwelais y trosedd-wŷr, a gressynnais am na chadwent dy air di.

159Gwêl hoffi o honof dy orchymynnion di: Arglwydd bywhâ fi’n ôl dy drugaredd.

160Gwirionedd dechreuad dy air: a’th holl gyfiawn farn yn dragywydd.

Schin. ש

161Tywysogion a’m herlidiasant heb achos, er hynny fyng-halon a gryne rhag dy air di.

162Llawen ydwyf fi o blegit dy air, fel yn cael sclyfaeth lawer.

163Celwydd a gaseais, ac a ffieiddiais: a’th gyfraith di a hoffais.

164Seith-waith yn y dydd yr ydwyf yn dy glodfori: o herwydd dy gyfiawn farnedigaethau.

165Heddwch mawr i’r rhai a garant dy gyfraith: ac nid dramgwydd iddynt.

166Disgwiliais wrth dy iechydwriaeth di ô Arglwydd: a gwneuthum dy orchymynnion.

167Fy enaid a gadwodd dy destiolaethau: a hoff iawn gennif hwynt.

168Cedwais dy orchymynnion a’th destiolaethau: am fy holl ffyrdd ger dy fron di.

Taw. ת

169Nessaed fyng-waedd o’th flaen Arglwydd: gwna i mi ddeall yn ôl dy air.

170Deued fyng-weddi ger dy fron: gwaret fi yn ôl dy ymadrodd.

171Fyng-wefusau a draethant foliant: pan ddyscech i mi dy ddeddfau.

172Fy nhafod a ddatcan dy air: o herwydd dy holl orchymynnion gyfiawnder.

173Bydded dy law i’m cynnorthwyo: o herwydd dy orchymynnion di a ddewisais.

174Awyddus ydwyf ô Arglwydd i’th iechydwriaeth: a’th gyfraith fy hyfrydwch.

175Bydded byw fy enaid fel i’th folianno di: a chynnorthwyed dy farnedigaethau fi.

176Cyfeiliornais fel oen wedi colli: cais dŷ wâs, o blegit nid anghofiais dy orchymynnion.