MALAKIJA Ħarsa ħafifa lejn il-ktieb - Maltese Bible with DC

Ħarsa ħafifa lejn il-ktiebLejn l-aħħar tas-seklu 5 QK, il-poplu kollu kien reġa’ lura mill-eżilju, u l-bini tat-tempju kien lest. Il-Profeta Malakija beda jħabbar qabel ma Esdra u Neħemija kienu reġgħu lura Ġerusalemm.Minkejja li t-tempju kien lest u kien qed jintuża, il-qima tal-poplu xejn ma kienet skont ix-xewqat ta’ Alla. Is-sagrifiċċji li kienu joffru l-qassisin f’isem il-poplu kienu nieqsa mis-sinċerità u r-rispett li kienet tixraq lil Alla. L-offerti u s-sagrifiċċji xejn ma kellhom dekor li jixraq lil Alla setgħan u ħellies.Il-qassisin tat-tempju kienu qed jaħqru lill-foqra u l-batuti u dawk li ma kellhomx min jaqbeż għalihom. Kienu żminijiet iebsa għall-poplu li kien qiegħed ibati tassew. Qatgħu qalbhom u naqsu mill-fidi fil-wegħda ta’ futur aħjar.Il-Profeta Malakija sfida lill-poplu, speċjalment lill-mexxejja, biex ikunu leali lejn il-patt ta’ Alla ma’ Iżrael. Fakkarhom li kellhom joffru lil Alla sagrifiċċji sinċiera u mill-qalb. Ilkoll kellhom jagħtu sehem mill-ħsad lill-Mulej u kull min seta’ kellu jgħin lil min kien fil-bżonn, u Alla jbierku żgur.Imma għalikom li tibżgħu minn ismi titla’ x-xemx tal-ġustizzja, bis-salvazzjoni fuq ġwenħajha; u intom toħorġu taqbżu qiskom għoġiela tal-mandra (3,20).It-taqsim tal-ktiebId-dnubiet ta’ Iżrael (1,1—2,16)Il-ġudizzju ta’ Alla u l-ħniena tiegħu (2,17—4,6)