SALMI 127 - Maltese Bible with DC

Salm 127L-ulied don u barka ta’ Alla

1Għanja tat-Telgħat. Ta’ Salamun.

Jekk il-Mulej ma jibnix id-dar,

għalxejn jitħabtu l-bennejja.

Jekk il-Mulej ma jħarisx il-belt,

għalxejn jishar l-għassies.

2Ma jiswielkom xejn li tbakkru,

jew li ddumu ma tistrieħu

u li tieklu ħobż it-tbatija;

għax sa fl-irqad hu jipprovdi lill-għeżież tiegħu.

3Ara, wirt il-Mulej huma l-ulied,

ħlas tiegħu hu frott il-ġuf.

4Bħal vleġeġ f’id il-ġellied,

hekk huma wlied iż-żgħożija.

5Hieni l-bniedem li għandu l-ħorġa mimlija bihom!

Ma jinfixilx meta jiltaqa’ mal-għedewwa f’bieb il-belt.