ĠEREMIJA 22 - Maltese Bible with DC

Kapitlu 22Oraklu kontra s-slaten ta’ Ġuda

1Dan qalli l-Mulej: “Inżel id-dar tas-sultan ta’ Ġuda u hemm ħabbar dan il-kliem.

2Għidlu: ‘Isma’ l-kelma tal-Mulej, sultan ta’ Ġuda, int li qiegħed fuq it-tron ta’ David; int u l-qaddejja tiegħek u l-poplu tiegħek, li jgħaddu minn dawn il-bwieb.

3“Dan jgħid il-Mulej: ‘Agħmlu l-ħaqq u s-sewwa u eħilsu l-maħqur minn id l-oppressuri u l-barrani, l-iltim u l-armla la tgħakksuhomx, la tagħmlulhomx vjolenza. La xxerrdux demm l-innoċenti f’dan il-post.

4‘Għax jekk intom tassew tħarsu dan il-kliem, jibqgħu jidħlu minn dan il-bieb is-slaten, li qegħdin fuq it-tron ta’ David, rekbin fuq il-karrijiet u fuq iż-żwiemel, huma u l-qaddejja u l-poplu tagħhom.

6Għax dan jgħid il-Mulej għad-dar tas-sultan ta’ Ġuda:

Bħal Gilgħad int għalija,

bħall-quċċata tal-Libanu,

imma nagħmel minnek deżert,

belt bla nies.

7Inħejji għalik nies qerrieda,

kull wieħed bl-armi tiegħu,

u jqaċċtu l-aħjar taċ-ċedri tiegħek

u jwaddbu kollox fin-nar.

8‘U minn din il-belt għad jgħaddu kotra ta’ ġnus u jistaqsu lil xulxin: ‘Għala l-Mulej għamlilha hekk lil din il-belt kbira,’Is-sultan Sallum

10La tibkux il-mejjet,

la tnewħux għalih,

imma ibku sewwa għal min hu sejjer,

għax ma jerġa’ lura qatt,

u lanqas qatt ma jara art twelidu.

11Għax dan jgħid il-Mulej lil Sallum bin Ġosija, sultan ta’Ġuda, li kien isaltan flok Ġosija missieru, u ħareġ minn dan il-post: “Mhux se jerġa’ lura hawn, qatt iżjed.

12Għax fil-post fejn eżiljawh, priġunier hemm għad imur. U din l-art ma jaraha qatt iżjed.”

Ġeħojakim

13Gwaj għal min jibni daru fuq il-ħażen,

u l-kmamar ta’ fuq bl-inġustizzja;

li jħaddem lil għajru għal xejn,

u ta’ xogħlu ma jħallsux;

14li jgħid: ‘Ħa nibni dar għalija kbira,

bi kmamar fuq imrewħa sewwa’;

li jiftaħ fiha twieqi kbar,

jiksiha biċ-ċedru u

jiżbogħha bl-aħmar.

15Taħseb int li qiegħed issaltan,

għax miklub għaċ-ċedru?

Jaqaw missierek ma kienx jiekol u jixrob?

Ma kienx jagħmel il-ħaqq u s-sewwa,

u kellu r-riżq?

16Kien jagħmel il-ħaqq mal-magħkus,

u kellu r-riżq

u mal-fqir;

Mhux dan ifisser tagħraf lili?

Oraklu tal-Mulej.

17Ma għandekx għajnejn u qalb

ħlief għall-qligħ tiegħek diżonest,

u għat-tixrid ta’ demm in-nies bla ħtija,

u għat-taqriq u t-tagħkis ta’ ħaddieħor.

18Għalhekk dan jgħid il-Mulej

lil Ġeħojakim bin Ġosija, sultan ta’ Ġuda;

“Ma jitnehdux għalih u jgħidu:

‘Jaħasra ħija!’ jew ‘Jaħasra oħti!’

Ma jitnehdux għalih u jgħidu:

‘Jaħasra sidi!’ jew ‘Jaħasra l-kobor tiegħu!’

19Difna ta’ ħmar jidfnuh,

barra bwieb Ġerusalemm

għad ikaxkruh u jarmuh.”Ġerusalemm Imħarbta

20Itla’ fuq il-Libanu u għajjat,

u għolli leħnek f’Basan;

għajjat minn Għabarim,

għax ħbiebek ilkoll inqerdu.

21Kellimtek meta int kont fir-riżq,

u int għedt: “Ma rridx nisma’ ”.

Din kienet triqtek sa minn żgħożitek,

għax qatt ma smajt minn kliemi.

22Ir-rgħajja tiegħek kollha jġorrhom ir-riħ,

u ħbiebek kollha jmorru fil-jasar.

Imbagħad tistħi u titħawwad,

minħabba l-ħażen kollu tiegħek.

23U int li tgħammar fil-Libanu,

int li tbejjet fiċ-ċedri,

kemm għad trid tokrob,

meta jaqbdek l-uġigħ,

l-uġigħ u t-tkagħwiġ ta’ mara fil-ħlas.Ġekonija

24Daqs kemm jien ħaj, oraklu tal-Mulej, imqar kieku Konija bin Ġeħojakim, sultan ta’ Ġuda, kien iċ-ċurkett tas-siġill f’idi l-leminija, minn hemm kont naqilgħek. li wilditek, f’art oħra li intom ma twelidtux fiha, u hemm tmutu.

28X’inhu Konija?

Xi biċċa fuħħar għar-rimi u għat-tkissir?

Xi ħaġa ma togħġob lil ħadd?

Għala hu u nislu mkeċċija,

mitfugħa f’art li biha ma jafux?

29O art, art, art,

isimgħu l-kelma tal-Mulej.

30Dan jgħid il-Mulej:

“Iktbu ’l dan ir-raġel

bħallikieku bla tfal,

bniedem bla riżq f’ħajtu.

Għax ħadd minn nislu ma jirnexxilu

jsib post fuq it-tron ta’ David,

u jerġa’ jsaltan fuq Ġuda.”