NEĦEMIJA 10 - Maltese Bible with DC

Kapitlu 10Ftehim bil-miktub għar-riforma

1Minħabba f’dan kollu għamilna ftehim bil-miktub, u qiegħdu s-siġill tagħhom fuqu l-kapijiet tagħna, il-Leviti tagħna, u l-qassisin tagħna.

2Dawk li ffirmawh kienu:

Neħemija l-gvernatur, bin Ħakalija, u Sedekija.

3Xeraja, Għażarija, Ġeremija,

4Pasħur, Amarija, Malkija,

5Ħattus, Sebanija, Malluk,

6Ħarim, Meremot, Għobadija,

7Danjel, Ginneton, Bàruk,

8Mesullam, Abija, Mijjamin,

9Magħżija, Bilgaj u Semajja; dawn kienu l-qassisin.

10Il-Leviti kienu: Ġożwè bin Ażanija, Binnuwi, wieħed minn ulied Ħenadad, u Kadmijel;

11ħuthom Sebanija, Ħodija, Kelita, Pelaja, Ħanan,

31Ħalfu li ma nagħtux il-bniet tagħna lin-nies tal-art biex jiżżewġuhom, u li ma niħdux il-bniet tagħhom għas-subien tagħna.

32U jekk in-nies tal-art iġibu xi affarijiet jew xi xorta ta’ qamħ biex ibigħuhom nhar ta’ Sibt, jew f’xi jum ieħor qaddis, ma nixtruhomx mingħandhom. Naħfru wkoll dak li jmissna u dak li għandna nieħdu darba kull seba’ snin.

39Meta l-Leviti jiġbru l-għexur tagħhom għandu jkun hemm magħhom qassis min-nisel ta’ Aron. Il-Leviti, imbagħad, iġibu l-għexur tal-għexur tagħhom fit-tempju ta’ Alla tagħna, fl-imħażen tat-teżor,Num 18,26.

40għax hu fil-kmamar tat-tempju li wlied Iżrael u wlied il-Leviti jġibu l-offerti tal-qamħ, tal-inbid, u taż-żejt. Hemm l-oġġetti sagri, u hemm joqogħdu l-qassisin li jagħtu s-servizz tagħhom fit-tempju, il-purtinara u l-kantanti.

Aħna ma nitilqux it-tempju ta’ Alla tagħna.