NUMRI 29 - Maltese Bible with DC

Kapitlu 29Il-festi tal-Ħarifa

1“Fis-seba’ xahar, fl-ewwel tax-xahar, ikollkom laqgħa mqaddsa; ma tagħmlu ebda xogħol; ikun għalikom jum iż-żarżir tat-tromba.Eż 23,16; 34,22; Lev 23,23-25; Num 10,5-10.

2Toffru sagrifiċċju tal-ħruq b’riħa tfuħ lill-Mulej; għoġol, muntun u sebat iħrief tas-sena bla difett;

3bl-offerta ta’ tlieta minn għaxra ta’ efa smid miblul fiż-żejt għall-għoġol,

4u tnejn minn għaxra għall-muntun, u waħda minn għaxra għal kull ħaruf mis-sebat iħrief.

5U bodbod għall-purifikazzjoni tal-ħtija tagħkom,

6minbarra s-sagrifiċċju tal-ewwel tax-xahar bl-offerta tiegħu, u s-sagrifiċċju ta’ kull jum bil-libazzjoni tiegħu maħruq lill-Mulej b’riħa tfuħ skont ir-rit tagħhom.

7Fl-għaxra ta’ dan is-seba’ xahar ikollkom laqgħa mqaddsa, u tgħakksu lilkom infuskom u ma tagħmlu ebda xogħol;Lev 16; 23,26-32.

8u toffru sagrifiċċju tal-ħruq b’riħa tfuħ lill-Mulej; għoġol, muntun u sebat iħrief tas-sena bla difett,

9bl-offerta ta’ tlieta minn għaxra ta’ efa smid miblul fiż-żejt għall-għoġol, u tnejn minn għaxra għall-muntun,

10u waħda minn għaxra għal kull ħaruf mis-sebat iħrief;

11u toffru bodbod għall-purifikazzjoni tal-ħtija, minbarra s-sagrifiċċju tal-purifikazzjoni bi tpattija, u s-sagrifiċċju ta’ kull jum, bl-offerta u l-libazzjonijiet tiegħu.

12“Fil-ħmistax-il jum tas-seba’ xahar ikollkom laqgħa mqaddsa, u ma tagħmlu ebda xogħol, u tagħmlu festa għal sebat ijiem lill-Mulej.Eż 23,14; Lev 23,33-43; Dt 16,13-15; Eżek 45,25; Ġw 7,2.

13U toffru sagrifiċċju tal-ħruq b’riħa tfuħ lill-Mulej; tlittax-il għoġol, żewġ imtaten u erbatax-il ħaruf tas-sena bla difett,

14bl-offerta ta’ tlieta minn għaxra minn efa smid miblul fiż-żejt għal kull għoġol mit-tlettax-il għoġol; tnejn minn għaxra għal kull muntun miż-żewġ imtaten;

15u waħda minn għaxra għal kull ħaruf mill-erbatax-il ħaruf.

16U bodbod wieħed għall-purifikazzjoni, minbarra s-sagrifiċċju ta’ kull jum bl-offerta u l-libazzjoni tiegħu.

17“Fit-tieni jum toffru tnax-il għoġol, żewġ imtaten, u erbatax-il ħaruf tas-sena bla difett,

18bl-offerta u l-libazzjonijiet tagħhom għall-għoġiela, għall-imtaten, u għall-ħrief skont l-għadd u r-rit tagħhom;

19bodbod għall-purifikazzjoni bl-offerta u l-libazzjonijiet tiegħu, minbarra s-sagrifiċċju ta’ kull jum bl-offerta u l-libazzjonijiet tiegħu.

20“U fit-tielet jum toffru ħdax-il għoġol, żewġ imtaten u erbatax-il ħaruf tas-sena bla difett,

21bl-offerta u l-libazzjonijiet tagħhom għall-għoġiela, għall-imtaten, għall-ħrief skont l-għadd u r-rit tagħhom.

22U bodbod għall-purifikazzjoni, minbarra s-sagrifiċċju ta’ kull jum bl-offerta u l-libazzjonijiet tagħhom.

23“U fir-raba’ jum toffru għaxar għoġiela, żewġ imtaten u erbatax-il ħaruf tas-sena bla difett

24bl-offerta u l-libazzjonijiet tagħhom għall-għoġiela, għall-imtaten u għall-ħrief skont l-għadd u r-rit tagħhom;

25u bodbod għall-purifikazzjoni, minbarra s-sagrifiċċju ta’ kull jum bl-offerta u l-libazzjoni tagħhom.

26“U fil-ħames jum toffru disa’ għoġiela, żewġ imtaten, erbatax-il ħaruf tas-sena bla difett

27bl-offerta u l-libazzjonijiet tagħhom għall-għoġiela, għall-imtaten u għall-ħrief skont l-għadd u r-rit tagħhom;Num 29,30-37.

28u bodbod għall-purifikazzjoni, minbarra s-sagrifiċċju ta’ kull jum bl-offerta u l-libazzjoni tagħhom.

29“U fis-sitt jum toffru tmien għoġiela, żewġ imtaten, erbatax-il ħaruf tas-sena bla difett,

30bl-offerta u l-libazzjonijiet tagħhom għall-għoġiela, għall-imtaten u għall-ħrief skont l-għadd u r-rit tagħhom;

31u bodbod għall-purifikazzjoni, minbarra s-sagrifiċċju ta’ kull jum bl-offerta u l-libazzjoni tagħhom.

32“U fis-seba’ jum toffru seba’ għoġiela, żewġ imtaten, erbatax-il ħaruf tas-sena bla difett,

33bl-offerta u l-libazzjonijiet tagħhom għall-għoġiela, għall-imtaten u għall-ħrief skont l-għadd u r-rit tagħhom;

34u bodbod għall-purifikazzjoni, minbarra s-sagrifiċċju ta’ kull jum bl-offerta u l-libazzjoni tagħhom.

35“Fit-tmien jum tagħmlu l-laqgħa tal-aħħar; ma tagħmlu ebda xogħol.Lev 23,36; Ġw 7,37.

36U toffru b’riħa tfuħ lill-Mulej: għoġol, muntun, sebat iħrief tas-sena bla difett,

37bl-offerta u l-libazzjoni tagħhom għall-għoġol, għall-muntun u għall-ħrief skont l-għadd u r-rit tagħhom;

38u bodbod għall-purifikazzjoni, minbarra s-sagrifiċċju ta’ kull jum bl-offerta u l-libazzjoni tagħhom.

39“Dawn huma s-sagrifiċċji li tagħmlu lill-Mulej fil-festi tagħkom minbarra l-wegħdi u l-għotjiet minn rajkom, li tistgħu tagħmlu, ta’ sagrifiċċji tal-ħruq, offerti, libazzjonijiet u sagrifiċċji ta’ sliem.”