1Għanja tat-Telgħat.
Min jittama fil-Mulej hu bħall-għolja ta’ Sijon,
li qatt ma titħarrek, imma fis-sod għal dejjem.
2Bħalma l-għoljiet iduru madwar Ġerusalemm,
hekk il-Mulej madwar il-poplu tiegħu,
minn issa u għal dejjem.
3Ma jitħalliex ix-xettru tal-ħżiena
fuq l-art, wirt il-ġusti,
biex ma jiġrix li l-ġusti imiddu idejhom għall-ħażen.
4Agħmel il-ġid, Mulej, lit-tajbin
u lil dawk ta’ qalbhom safja.
5Imma ’l dawk li jgħawġu triqthom
jitlaqhom il-Mulej ma’ dawk li jagħmlu l-ħażen.
Sliem għal Iżrael!
Who We AreWhat We EelieveWhat We Do
2025 by iamachristian.org,Inc All rights reserved.
