2 KRONAKI 25 - Maltese Bible with DC

Kapitlu 25Is-saltna ta’ Amasija

1Amasija kellu ħamsa u għoxrin sena meta beda jsaltan; u saltan f’Ġerusalemm għal disgħa u għoxrin sena u ommu kien jisimha Ġeħogħaddan minn Ġerusalemm.Il-gwerra kontra Edom

5U Amasija ġabar ’il Ġuda, u qassamhom skont id-djar ta’ missirijiethom, bil-fizzjali tal-eluf u l-kapijiet tal-mijiet għal Ġuda u Benjamin kollha; u għaddhom ilkoll minn għoxrin sena ’l fuq, u sab li kien hemm tliet mitt elf ruħ magħżula, tajbin għall-gwerra, li kellhom il-ħila jużaw il-lanza u t-tarka.

6U qabbad mitt elf gwerrier qalbieni minn Iżrael b’mitt talent tal-fidda.

7U ġie għandu bniedem ta’ Alla u qallu: “O Sultan, tħallix jiġi miegħek l-eżerċtu ta’ Iżrael għax il-Mulej mhuwiex ma’ Iżrael, ilkoll ulied Efrajm.

8Imma jekk inti tmur, agħmel il-ħila u tqabad waħdek, inkella Alla jixħtek fl-art quddiem l-għedewwa tiegħek, għax Alla għandu l-ħila li jgħin jew ifixkel.”

9U Amasija wieġeb lill-bniedem ta’ Alla: “U x’nagħmel għall-mitt talent li tajt għall-eżerċtu ta’ Iżrael?” U l-bniedem ta’ Alla wieġbu: “Il-Mulej jista’ jagħtik ħafna aktar minn dan.”

10Imbagħad Amasija bagħat lura l-eżerċtu li kien ġie għandu minn Efrajm. U xegħlu bl-għadab għal Ġuda, u marru lura f’pajjiżhom b’dagħdigħa u saħna fuqhom.

11U Amasija għamel il-qalb, u ħareġ bin-nies tiegħu, u telaq lejn Wied il-Melħ, u darab għaxart elef minn ulied Xegħir.

25U Amasija bin Ġowas, sultan ta’ Ġuda, għex ħmistax-il sena wara l-mewt ta’ Ġowas bin Ġeħowaħaż, sultan ta’ Iżrael.

26U l-bqija tal-ġrajja ta’ Amasija, mill-bidu sal-aħħar, jinsabu miktuba fi Ktieb is-Slaten ta’ Ġuda u Iżrael.

27U mindu warrab Amasija minn wara l-Mulej, għamlu konfoffa kontra tiegħu f’Ġerusalemm, u hu ħarab lejn Lakis, u bagħtu nies warajh f’Lakis u qatluh hemm.

28Ġarrewh fuq iż-żwiemel, u difnuh ma’ missirijietu fil-belt ta’ Ġuda.