1Imbagħad dawk it-tlitt irġiel ma weġbuhx iżjed għax hu baqa’ jżomm ruħu b’ġust.
2Hawn xegħlet il-korla ta’ Eliħu bin Barakel, il-Bużi, mill-familja ta’ Ram. Inkorla għal Ġob għax baqa’ jżomm li għandu raġun fil-kawża tiegħu ma’ Alla;
8Iżda hu l-ispirtu fil-bniedem,
nifs Xaddaj li jagħti d-dehen,
9u mhux għax xjuħ il-bnedmin jifhmu,
lanqas għax anzjani ma jafu x’inhu s-sewwa.
10Għalhekk ngħid: ‘Isimgħu lili,
jien ukoll irrid nuri fehemti.’
11Ara qgħadt b’sabri nismagħkom titkellmu,
u niżen ir-raġunijiet li ġġibu;
intom u tagħżlu l-argumenti tagħkom
12ħsiebi kien wieqaf fuqkom.
Iżda ma sibtx wieħed li jmeri ’l Ġob sewwa,
ħadd minnkom ma għaraf iwaqqagħlu kliemu.
13Tiġux tgħidu: ‘Sibna l-Għerf ma’ wiċċna;
li Alla biss jista’ jegħlbu u mhux il-bniedem.’
14Għalhekk mhux b’dal-mod infassalhom l-argumenti,
mhux bi kliemkom se nwieġbu ’l Ġob.
15Arahom! tbikkmu, ma ssuktawx iwieġbu,
il-kliem naqashom.
16Se nibqa’ nistenna meta huma siktu,
meta waqfu u ma weġbux aktar?
17Le! Inwieġeb jien ukoll kif imissni,
jien ukoll irrid nuri fehemti!
18Imfawwar jien bil-kliem li għandi,
u jrossni l-ispirtu ta’ ġo fija.
19Ħdani qisu mimli b’inbid jiffermenta,
irid jinfaqa’ bħal ġarar b’inbid ġdid.
20Ikolli nitkellem ħa nsib mistrieħ,
niftaħ fommi u nwieġeb,
21bla ma nżomm ma’ xi ħadd,
bla ma mmelles ’l ebda bniedem.
22U tabilħaqq anqas naf immelles,
u għax kieku dlonk jaħtafni l-Ħallieq tiegħi.
Who We AreWhat We EelieveWhat We Do
2025 by iamachristian.org,Inc All rights reserved.
