1Oraklu dwar Ninwè.
Ktieb id-dehra ta’ Naħum minn Elkos.
Salm. Il-korla tal-Mulej2Il-Mulej hu Alla għajjur u jaf jitħallas,
il-Mulej jitħallas u jixgħel bil-korla,
il-Mulej jitħallas mill-avversarji tiegħu
isorr il-korla għall-għedewwa tiegħu.
3Il-Mulej tqil biex jagħdab, għalkemm kbir fil-qawwa.
Il-Mulej ma jaħfirhiex lill-ħati.
Triqtu tinsab fir-riefnu u fit-tempesta,
is-sħab hu t-trab tal-passi tiegħu.
4Hu jċanfar l-ibħra u jinxfu,
u x-xmajjar kollha jbattal.
Basan jidbiel quddiemu mal-Karmel,
fil-Libanu tisfar il-ħdura kollha.
5Quddiemu taqbad rogħda lill-muntanji,
l-għoljiet idubu.
Quddiemu l-art titqanqal
u d-dinja u kull min jgħammar fiha.
6Quddiem qilltu min se jieqaf?
Min jista’ jżomm bil-korla mkebbsa tiegħu?
L-għadab tiegħu bħan-nirien jitferrex,
imqar il-blat jitfarrak trab quddiemu.
7Twajjeb, iva, il-Mulej,
fortizza f’jum l-għawġ:
hu jieħu ħsieb dawk li fih jistkennu.
8Iżda b’għargħar ta’ ilma,
hu jġib fix-xejn lil min iqum kontrih,
u jiġri sa fid-dlam wara l-għedewwa.Oraklu kontra Ninwè
9X’intom taħsbu ġo moħħkom kontra l-Mulej?
Se jagħmel qerda sħiħa;
kull min iqum kontrih ma jqumx darbtejn.
10U bħal meta faxx xewk jagħtuh in-nar,
hekk in-nar jikolhom bħat-tiben niexef.
11Minnek kien ħareġ dak li niseġ
id-deni kontra l-Mulej, ix-xitan Beljal.
12Hekk jgħid il-Mulej:
“Għad li qawwija, u kotrana ħafna,
iżd’huma jkunu maħsuda, u jgħibu.
U għad li jien għakkistek,
iżda ma ngħakksikx iktar.
13Minn fuqek issa nkisser il-madmad tiegħu
u nqaċċat l-irbit tiegħek.”
14Dan hu illi l-Mulej ordna għalik:
“Ma jkunx hemm aktar nisel li jġib ismek,
minn dar allatek jien għad neqred
kull xbieha mnaqqxa, u kull xbieha mdewba;
inħaffer qabrek, għax int kollok għajb.”
Who We AreWhat We EelieveWhat We Do
2025 by iamachristian.org,Inc All rights reserved.
