NUMRI 34 - Maltese Bible with DC

Kapitlu 34Il-fruntieri

1U l-Mulej kellem lil Mosè u qallu:; dan ikun il-fruntiera fuq din in-naħa.

7“Il-fruntiera fuq in-naħa tat-Tramuntana tkun din: mill-Baħar il-Kbir tiġbdu lejn il-muntanja tal-Ħor;

8minn Ħor tiġbdu lejn id-daħla ta’ Ħemat, u l-fruntiera tibqa’ sejra sa Sedad,

9mnejn tgħaddi lejn Żifron u tibqa’ sejra sa Ħasar-għenan. Din tkunilkom il-fruntiera tat-Tramuntana.

10“Għall-fruntiera fuq in-naħa tal-Lvant tiġbdu linja minn Ħasar-għenan sa Sefam;

11u din il-fruntiera tibqa’ nieżla minn Sefam sa Ribla fuq il-Lvant tal-Għajn, u tibqa’ nieżla u tmiss il-ġenb tal-baħar ta’ Kinneret

12in-naħa tal-Lvant, u tibqa’ nieżla mal-Ġordan sal-Baħar il-Mielaħ; din tkun l-art tagħkom b’dawn il-fruntieri madwarha.”

13U Mosè ordna lil ulied Iżrael u qalilhom: “Din hi l-art li intom għandkom taqsmu bejnietkom bix-xorti, li l-Mulej ordna li tingħata lid-disa’ tribujiet u nofs;

14għaliex it-tribù ta’ Ruben u t-tribù ta’ wlied Gad, skont l-għadd tal-familji tagħhom, u nofs it-tribù ta’ Manassi, ħadu sehemhom.

15Żewġ tribujiet u nofs diġà ħadu sehemhom in-naħa l-oħra tal-Ġordan biswit Ġeriko, in-naħa tal-Lvant.”

16U l-Mulej kellem lil Mosè u qallu:

17“Dawn huma l-ismijiet tan-nies li għandhom iqassmulkom l-art: Elgħażar il-qassis, u Ġożwè bin Nun;

18u tagħżlu prinċep minn kull tribù biex iqassam l-art.Num 1,4.

19U dawn huma l-ismijiet tan-nies: mit-tribù ta’ Ġuda, Kaleb bin Ġefunni;

20mit-tribù ta’ wlied Simgħon, Samwel bin Għammiħud;

21mit-tribù ta’ Benjamin, Elidad bin Kislon;

22mit-tribù ta’ wlied Dan, il-prinċep Bukki bin Ġogli;

23mit-tribù ta’ wlied Ġużeppi: mit-tribù ta’ wlied Manassi, il-prinċep Ħannijel bin Efod;

24u mit-tribù ta’ Efrajm, il-prinċep Kemwel bin Siftan;

25u mit-tribù ta’ wlied Żebulun, il-prinċep Elisafan bin Parnak;

26u mit-tribù ta’ wlied Issakar, il-prinċep Paltijel bin Għażżan;

27u mit-tribù ta’ wlied Aser, il-prinċep Aħiħud bin Selomi;

28u mit-tribù ta’ wlied Neftali, il-prinċep Pedaħel bin Għammiħud.

29Dawn huma n-nies li l-Mulej ordna biex iqassmu l-art ta’ Kangħan bejn ulied Iżrael.”