1Ibni, iċċaħħadx lill-fqir mill-għajxien tiegħu,
u l-bniedem fil-bżonn li jħares lejk tħallihx jistenna għal xejn.
2Lil min hu bil-ġuħ tnikkitx,
u tkiddx lill-bniedem fil-bżonn.
3Qalb mikduda tkomplix tkiddha,
u ’l min hu fil-bżonn tħallihx jistenna l-għotja tiegħek.
4Tiċħadx lil tallab fil-għaks,
u ddawwarx wiċċek mill-fqir.
5Iddawwarx wiċċek minn wieħed fil-bżonn,
u tagħti ’l ħadd l-okkażjoni li jisħtek;
6għax jekk wieħed jisħtek bl-imrar f’qalbu,
it-talba tiegħu jismagħha l-Ħallieq tiegħu.
7Agħmel li tkun maħbub mill-ġemgħa,
u baxxi rasek quddiem min hu kbir.
8Agħti widen lill-fqir,
u roddlu bil-ħlewwa t-tislima.
9Min ma jsirx ħaqq miegħu eħilsu minn idejn l-inġusti,
u taqtax qalbek meta tiġi biex tagħmel il-ħaqq.
10Kun missier għall-iltiema,
u għal ommhom bħar-raġel tagħha,
u ssir bħal iben l-Għoli,
u jkun iħobbok iktar minn ommok.L-għerf għalliem
11L-għerf jgħolli lil uliedu,
u jieħu ħsieb dawk li jfittxuh.
12Min iħobbu, iħobb il-ħajja,
u dawk li jbakkru għalih jimtlew bl-hena.
13Min jieħdu taħt idejh jiret il-glorja,
u kull fejn imur, ibierku l-Mulej.
14Dawk li jaqduh, iservu l-Qaddis,
u dawk li jħobbuh, iħobbhom il-Mulej.
15Min jisma’ minnu jagħmel ħaqq mill-ġnus,
u min idur lejh jgħix f’daru b’moħħ mistrieħ.
16Jekk jafda fl-għerf, jiksbu,
u l-għerf jibqa’ f’idejn nislu.
17Għax għall-ewwel jimxi miegħu f’mogħdijiet mgħawġa,
iġib fuqu biża’ u nuqqas ta’ kuraġġ,
jipprova fuqu d-dixxiplina tiegħu
sa ma jnissillu l-fiduċja fih,
u jġarrbu bl-ordnijiet tiegħu.
18Imbagħad jerġa’ dritt għal għandu u jferrħu,
u jurih il-ħwejjeġ moħbija tiegħu.
19Jekk joħroġ mit-triq iħallih waħdu,
u jagħtih f’idejn it-telfien tiegħu.
Il-mistħija u r-rispett uman20Agħti kas taż-żmien u għasses għall-ħażen,
u ġġibx għajb fuqek innifsek;
21għax hemm għajb li jġib miegħu d-dnub,
u għajb li hu glorja u grazzja.
22Tħarisx lejn l-uċuħ bi ħsara għalik innifsek,
u tistħix hekk li tintilef.
23Trażżanx kliemek meta hu meħtieġ,
24għax l-għerf jingħaraf mill-kliem,
u t-tagħlim minn dak li jgħid l-ilsien.
25Tgħid xejn bil-maqlub tas-sewwa,
u istħi għan-nuqqas ta’ tagħlim li għandek.
26Tistħix tistqarr dnubietek,
u teħodhiex mal-ilmijiet ta’ xmara.
27Toqgħodx taħt bniedem iblah;
u żżommx ma’ wieħed setgħani.
28Issielet sal-mewt għas-sewwa,
u l-Mulej Alla jissielet għalik.
29Tkunx ħafif f’ilsienek,
u tqil u bla ħeġġa fl-għemejjel tiegħek.
30Tkunx qisek iljun f’darek,
jew tfittex mal-qaddejja tiegħek.
31Tmiddx idek biex taqla’
u tiġbidhiex meta tiġi biex trodd.
Who We AreWhat We EelieveWhat We Do
2025 by iamachristian.org,Inc All rights reserved.
