SALMI 142 - Maltese Bible with DC

Salm 142Krib u tnehid fl-hemm

1Maskil. Ta’ David meta kien fl-għar. Talba.

2B’leħen qawwi lill-Mulej insejjaħ,

b’leħen qawwi lill-Mulej nitlob.

3Inressaq quddiemu t-tnehid tiegħi,

id-dwejjaq tiegħi quddiemu nqiegħed.

4Xħin ruħi ġo fija tinfena,

int tkun taf minn xiex għaddej.

Fit-triq li fiha nimxi,

huma ħbew nassa għalija.

5Inħares fuq il-lemin u nara

li m’hemm ħadd min jagħti kasi,

m’hemmx mnejn nista’ naħrab,

m’hemm ħadd min jieħu ħsiebi.

6Lilek, Mulej, insejjaħ;

ngħidlek: “Inti l-kenn tiegħi,

inti sehmi f’art il-ħajjin.

7Agħti widen għall-għajta tiegħi,

għax ninsab mitluq għall-aħħar.

Eħlisni minn dawk li daru għalija,

għax huma aqwa minni.

8Mill-ħabs oħroġni, biex irrodd ħajr lil ismek.

Madwari jduru l-ġusti, għax int timxi tajjeb miegħi.”