TOBIT 6 - Maltese Bible with DC

Kapitlu 6Rafel u Tobija fit-triq

1Telaq iż-żagħżugħ u l-anġlu miegħu; ħareġ miegħu l-kelb ukoll u mar magħhom. Telqu t-tnejn flimkien, u meta laħaqhom l-ewwel lejl, waqfu ħdejn ix-xmara Tigri.

2Iż-żagħżugħ niżel jaħsel riġlejh fix-xmara, u qabżet mill-ilma ħuta kbira u riedet taħtaflu riġlu; u ż-żagħżugħ beda jgħajjat.

3“Aqbadha,” qallu l-anġlu, “u żommha sewwa.” Iż-żagħżugħ qabad il-ħuta u tellagħha l-art.

4“Iftaħ il-ħuta,” qallu l-anġlu, “u aqlagħlha l-marrara, il-qalb u l-fwied, u erfagħhom għandek; il-bqija tal-ġewwieni armihom. Il-marrara, il-qalb u l-fwied ta’ din il-ħuta jservuna ta’ duwa tajba.”

5Iż-żagħżugħ fetaħ il-ħuta, ħarġilha l-marrara, il-qalb u l-fwied; u mbagħad xewa biċċa minnha u kielha; l-biċċa l-oħra mellaħha u refagħha.

6Baqgħu sejrin flimkien sakemm qorbu lejn il-Medja.

7U ż-żagħżugħ staqsa lill-anġlu u qallu: “Ħija Għażarija, x’inhi din id-duwa li fihom il-qalb, il-fwied u l-marrara tal-ħuta?”

8“Il-qalb u l-fwied tal-ħuta,” wieġbu l-anġlu, “taħraqhom quddiem xi ħadd, raġel jew mara, imħabbtin minn xi demonju jew spirtu ħażin u jaħrab minnu kull magħmul: ma jkun qatt aktar fih.

9Bil-marrara mbagħad togħrok għajnejn ta’ bniedem li fihom tkun trabbiet il-bjada, jew tonfoħ biha fuq il-bjada, u l-għajnejn ifiqu.”

L-anġlu jkellem lil Tobija fuq iż-żwieġ

10Daħlu l-Medja u kienu qrib Ekbatana.

11Mela Rafel qal liż-żagħżugħ: “Ħija Tobija.” “Hawn jien,” wieġbu. “Jenħtieġ,” qallu l-anġlu, “li l-lejl ngħadduh għand Ragħwel, qarib tiegħek li għandu bintu jisimha Sara.

12Ebda tifel ma għandu, u anqas tifla oħra ħlief din Sara. Int l-eqreb lejha fost l-irġiel kollha bid-dritt li teħodha, u għandek ukoll id-dritt li tiret kulma għandu missierha. It-tfajla għaqlija, qalbiena u sabiħa ħafna; u missierha bniedem ta’ unur.”; jaf ukoll li bintu lilek tmiss bi dritt aktar milli lil ħaddieħor. Issa isma’ minni, ħija, illejla nitkellmu fuq it-tfajla u ngħarrsuhielek, u meta nerġgħu lura minn Rages, neħduha u nwassluha magħna d-dar tiegħek.”

14Imbagħad Tobija wieġeb lil Rafel u qallu: “Ħija Għażarija, jiena smajt li din diġà żewġuha lil sebat irġiel, u li mietu fil-kamra tal-għarajjes; dak il-lejl stess li kienu jersqu lejha, kienu jmutu. U smajthom ukoll jgħidu li kien joqtolhom xi demonju.

15U issa jien nibża’ - għax id-demonju jħobbha u lilha ma jagħmlilha ebda deni, iżda joqtol lil min jersaq lejha; u missieri ma għandux ħliefi - nibża’ li mmut u nwassal il-ħajja ta’ missieri u ta’ ommi fil-qabar bl-għali tiegħi. Ma għandhomx tifel ieħor ħliefi biex jidfinhom.”

16“Ma tiftakarx it-twissija ta’ missierek,” wieġbu Rafel, “li ordnalek tieħu mara mid-dar ta’ missirijietek? Issa isma’ minni, ħija, taħseb xejn f’dan id-demonju, u ħudha. Jien naf li llejla stess jagħtuhielek b’martek., biex jinżlu fuqkom il-ħniena u s-saħħa. Tibżax, għalik kienet maħluqa mill-bidu, u int issalvaha, u tiġi miegħek. Jien naħseb li jkollok it-tfal minnha, li jkunu qishom ħutek; taħseb xejn.”

19U malli Tobija sama’ kliem Rafel, u li Sara kienet qariba tiegħu minn nisel dar missirijietu, ħabbha, u qalbu ntrabtet magħha.