1Mhux li kont ħija,
li rdajt minn sider ommi!
Għaliex jekk barra kont niltaqa’ miegħek,
kont nista’ nbusek bla ma jregħexni ħadd.
2U kont inġagħlek tidħol fid-dar t’ommi,
int kont tħarriġni!
U jiena nbid imħawwar kont nisqik,
għasir ir-rummien tiegħi.
3- Bi driegħu tax-xellug iwieżen rasi,
u bil-lemin jgħannaqni.L-għarus
4Bniet ta’ Ġerusalemm, nitlobkom b’ħerqa,
la tqajmux le, la tqajmux l-imħabba,
qabel ma jogħġob lilha.
Għeluq: Ir-RabtaL-Għarusa6Qegħedni bħal siġill fuq qalbek,
siġill fuq driegħek.
Għaliex bħall-mewt qawwija l-imħabba;
daqs Art l-Imwiet hi kiefra l-għira;
ix-xrar tagħha xrar tan-nar,
nar tal-Mulej.
7Ilmijiet kbar mhuma sa jaslu qatt
biex jitfu l-imħabba,
lanqas ix-xmajjar ma jġorruha magħhom.
Il-bniedem li jrid jagħti
l-ġid kollu ta’ daru
biex jixtri l-imħabba
tmaqdir isib.Żjieda
8Oħtna żgħira, u ħobb ma għandhiex.
X’se nagħmlulha lil oħtna dakinhar li jkun hemm min jistaqsi għaliha?
9Jekk inhi sur, nibnulha rampa tal-fidda;
jekk inhi bieb, nagħmlulha injam taċ-ċedru.
10“Jiena sur, u sidri bħal torrijiet;
ġa sirt f’għajnejh bħal waħda li sabet is-sliem.”
Id-dwieli ta’ Salamun11Salamun kellu għalqa tad-dwieli f’Bagħal-ħamon;
din l-għalqa ħallieha f’idejn l-għassiesa,
u kull wieħed kellu jagħtih il-frott tiegħu:
elf biċċa tal-fidda.
12L-għalqa tiegħi tad-dwieli,
li hi tiegħi, tinsab quddiemi:
Salamun, l-elf biċċa għalik,
u mitejn għal dawk
li jgħassu l-frott tagħha.
Il-kunsens13Inti li tgħammar fil-ġonna,
sħabi qegħdin b’widnejhom
miftuħa għal leħnek:
semmagħhuli!
14Aħrab, maħbub tiegħi,
kun ixbah lill-għażżiela,
inkella ’l ferħ iċ-ċriev,
fuq il-muntanji kollhom riħa tfuħ.
Who We AreWhat We EelieveWhat We Do
2025 by iamachristian.org,Inc All rights reserved.
