TOBIT 10 - Maltese Bible with DC

Kapitlu 10L-inkwiet ta’ omm Tobija u missieru

1Tobit minn jum għal ieħor kien jgħodd il-ġranet; kemm kellu jdum ibnu biex imur u kemm biex jerġa’ lura. Meta għadda żmien biżżejjed, u ibnu ma deherx,

6“Iskot!” beda jgħidilha Tobit, “taħseb xejn, oħti, it-tifel qawwi u sħiħ. Żgur li nqalgħetilhom xi ħaġa li żammithom hemm. Il-bniedem li mar miegħu hu bniedem ta’ fiduċja u wieħed minn qrabatna. Tagħmilx f’qalbek għalih, oħti, dalwaqt ikun hawn.”

7“Iskot u ħallini,” qaltlu, “u tidħakx bija. Ibni spiċċa!” Ta’ kuljum kienet toħroġ tiġġerra fit-triq li minnha kien telaq binha, tħares ’l hemm u ’l hawn, u ma kienet tisma’ minn ħadd; u meta kienet tinżel ix-xemx, kienet tidħol u taqbad tibki, u titniehed il-lejl kollu bla ma torqod.Tobija lura d-dar

8U meta għaddew l-erbatax-il ġurnata tal-festa tat-tieġ, li Ragħwel kien ħalef li jagħmel lil bintu, resaq fuqu Tobija u qallu: “Ħallini mmur, għax naf li missieri u ommi jaqtgħu qalbhom li għadd qatt jarawni. Għalhekk nitolbok, missier, ħallini nitlaq, u mmur għand missieri. Diġà għarraftek fiex ħallejtu.”

9Ragħwel wieġeb lil Tobija: “Ibqa’ hawn, ibni, ibqa’ miegħi, u jien nibgħat messaġġier għand missierek Tobit, u jgħarrfu kif tinsab.” “Ma jkun qatt,” wieġbu Tobija, “nitolbok, ħallini nitlaq minn hawn għal għand missieri.”

10Ragħwel qam u ta lil Tobija, lil martu Sara, nofs il-ġid li kellu: qaddejja, irġiel u nisa, baqar u nagħaġ, ħmir u iġmla, ilbies, flus u tagħmir.

14U Tobija telaq mingħand Ragħwel, qawwi u sħiħ, ferħan u jbierek lis-Sid tas-smewwiet u l-art, is-sultan fuq kulħadd, li tah ir-risq fi triqtu. U Ragħwel qallu: “Jalla jkollok il-ġid biex tgħin lill-ġenituri tiegħek il-jiem kollha ta’ ħajjithom.”