1 SAMWEL 31 - Maltese Bible with DC

Kapitlu 31Il-mewt ta’ Sawl

1U l-Filistin ħabtu għal Iżrael u n-nies ta’ Iżrael ħarbu minn quddiem il-Filistin, u waqgħu mejta fuq il-muntanja ta’ Gilbogħa.

6Hekk miet Sawl u t-tliet uliedu u l-iskudier tiegħu, u n-nies kollha li kienu miegħu dak in-nhar.

7U n-nies ta’ Iżrael li kienu jgħammru n-naħa l-oħra tal-wied u ’l hemm mill-Ġordan, malli raw li ħarbu l-Iżraelin u li mietu Sawl u wliedu, telqu l-ibliet tagħhom u ħarbu, u ġew jgħammru fihom il-Filistin.

8U ġara li l-għada ġew il-Filistin ineżżgħu l-maqtulin. U sabu lil Sawl u lit-tliet uliedu mixħutin mejtin fuq il-muntanja ta’ Gilbogħa.

9Qatgħulu rasu u neżżgħuh mill-armi, u bagħtu messaġġiera f’art il-Filistin tal-inħawi biex jagħtu l-aħbar lid-dar tal-allat tagħhom u lill-poplu.

11Meta semgħu n-nies ta’ Ġabes-gilgħad b’dak li kienu għamlu lil Sawl il-Filistin,Ġen 50,10; 1 Sam 11,1-11; 2 Sam 2,4-7.

12qamu rġiel ta’ ħila, imxew il-lejl kollu, ħadu l-katavru ta’ Sawl u t-tliet uliedu minn mal-ħajt ta’ Betsan; imbagħad marru Ġabes u ħarquhom hemm.

13U mbagħad ħadu għadamhom u difnuh f’Ġabes taħt it-tamarisk, u samu għal sebat ijiem.