ĠOB 24 - Maltese Bible with DC

24 Bil-ħeffa jinġarr il-ħażin fuq wiċċ l-ilma,

misħut ikun wirtu fuq l-art,

ma jaqbadx aktar it-triq lejn id-dwieli.

25 Bħalma n-nixfa u s-sħana jixorbu l-ilma tas-silġ,

hekk jagħmel l-Imwiet lill-midneb.

26 Jinsieh il-ġuf li ġiebu,

u ismu ma jiftakrux iżjed;

hekk, bħal siġra, jitkisser il-ħażin.

27 Hu ħaqar il-mara ħawlija bla nisel,

u lill-armla ma tahiex għajnuna.

28 Iżda jqum Dak li jaqbad is-setgħana bil-ħila tiegħu,

u l-ħażin ma jkunx aktar żgur minn ħajtu.

29 Rħielu Alla jixxettel b’tama qarrieqa,

iżda għajnejh kienu fuq triqtu.

30 Għola għal ftit u m’għadux aktar,

intelaq bħal ħaxix mielaħ kif jinqata’,

inħasad bħal ras ta’ sbula.